ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى [34]سوره‌تى نساء [الرِّ‌جَالُ قَوَّامُونَ عَلَى النِّسَاءِ]
![هۆى دابه‌زینى ئایه‌تى [34]سوره‌تى نساء [الڕّ‌جَالُ قَوَّامُونَ عَلَى النِّسَاءِ]](https://old.quran-kurd.com/site/sites/default/files/ns_0_1.jpg)
نووسینى/بورهان محمد ئه‌مین
ئاماده‌کردنى/سانا حمدامین
له ابن ابى حاتم له حسن وه ده‌گێڕێته‌وه, ده‌ڵێت ئافره‌تێک هات بۆلاى پێغه‌مبه‌ر صلى الله علیه وسلم وشکاتى کرد له مێرده‌که‌ى له‌سه‌ر ئه‌وه‌ى کێشابووى به ده‌مووچاویدا, پێغه‌مبه‌ریش صلى الله علیه وسلم مامه‌ڵه‌ى هاوچه‌شنى دا به‌سه‌ریاندا واته ژنه‌که‌ش مافى خۆیه‌تى مێرده‌که‌ى چى لێکردووه ئاوه‌هاى لێ بکاته‌وه به‌ڵام خواى گه‌وره ئایه‌تى[الڕّ‌جَالُ قَوَّامُونَ عَلَى النِّسَاءِ]دابه‌زاند ئینجا ئه‌و ئافره‌ته گه‌ڕایه‌وه بێ ئه‌وه‌ى به‌وچه‌شنه تۆڵه له مێرده‌که‌ى بکاته‌وه هه‌روه‌ها ابن جریر له ڕێگه‌ى حسن وه ده‌گێڕێته‌وه پیاوێک له پشتیوانه‌کان کێشاى به‌ده‌موچاوى ژنه‌که‌ى دا و ئه‌ویش هاته خزمه‌ت پێغه‌مبه‌ر و داواى مامه‌ڵه‌ى هاوچه‌شنى کرد پێغه‌مبه‌ریش صلى الله علیه وسلم ئه‌و مامه‌ڵه‌یه‌ى داناو دواتر ئایه‌تى [ولا تعجل بالقرءان من قبل ان يقضى اليك وحيه]دابه‌زى و پاشان ئایه‌تى [الڕّ‌جَالُ قَوَّامُونَ عَلَى النِّسَاءِ]هاته خواره‌وه له على شه‌وه ده‌گێڕنه‌وه ده‌ڵێت پیاوێک له پشتیوانه‌کان خێزانه‌که‌ى هێنا بۆ خزمه‌ت پێغه‌مبه‌ر صلى الله علیه وسلم و ئافره‌ته‌که وتى ئه‌ى پێغه‌مبه‌رى خوا ئه‌م پیاوه‌ى من لێى داوم و ده‌مووچاوى بریندار کردووم پێغه‌مبه‌رى خواش صلى الله علیه وسلم فه‌رمووى مافى ئه‌وه‌ى نییه, ئینجا خواى گه‌وره ئایه‌تى [الڕّ‌جَالُ قَوَّامُونَ عَلَى النِّسَاءِ]ى دابه‌زاند ئه‌م ریوایه‌تانه‌ش به‌ڵگه‌ن و یه‌کتر به‌هێز ده‌که‌ن