ماڵپەری قورئانی پیرۆز

نووسینی / محمد فتح اللە گولەن وەرگیرانی / حبیب محمد سعید///ھیچ زۆرلێ کردنیک – وەک یاسایەکی گشتی – لە دین دا نیە . ھەر شتێکیش بە قورس دەربکەوێت ئەبیتە ھۆکاریک بۆ ئاسانیی . کورت کردنەوەی نوێژ لە سەفەردا و, ماوەدان بۆ رۆژوو شکاندن لە چەندین حالەتی تایبەتی دارو . تەشریعی تەیەمموم , ھەموو ئەم کارانە لە شوینی نارەحەتیی و ماندوویتی دا روو لە ئاسانیی و ماوەدان ئەنێن . بگرە ھەتا چاوپۆشیش لەو ھەڵانە ئەکریت کە لە ئەنجامی لەبیرچوون روویان داوە . . ھەرکەس لەبیری چوو و لە مانگی رەمەزان دا ئاوی خواردەوە , یان خواردنی خوارد رۆژووەکەی لێ بەتاڵ نابێتەوە , بگرە بە پێشکەشییەکی خوای باڵا دەست ئەژمێردری . ئەوەبوو جۆرەھا ئەرک , ئیترسا بۆ ھۆکاری ئەێلیی بووبن , یان ھۆکاری لاوەکی ھەڵگیراون و , رێی ئاسانکاری گیرا بەر . لەبەر ئەمە ئەتوانین چەندین ئەرک و خوا پەرستیی جوان ھەن کە ھەر یەکەیان بە بناغەیەک دا ئەنریت بۆ گەیشتن بە بەختەوەری ھەتا ھەتایی , وەک بەرھەڵست کردنی دەروونی بە داخوازی و, بەرزبوونەوەی ئاستی رۆح و , راھاتن لەسەر ئارامگرتن و , خۆئامادەکردن بۆ قیامەت و, بەدەست ھێنانی نیعمەتی سەرکەوتن لەو رۆژەدا, بەڵام ھەرکە نیشانەکانی نارحەتیان تیا دەرکەوتن , خێرا بەبریی یەکی ئاسان و سادە ئەگۆرێن , یان بە تەواوی لائەبرین و , گەنجینەکانی پاداشت بە دەرگای بەرینی نیەتەوە ئەبەسترین , وەک گیرانەوەی نویژ لەوە دوا , یان دانی فیدیەکی سادە , یان لابردنی ئەرکەکە بە تەواوی ئەویش لە کاتی لەکارکەوتنی یەکجاریی دا.