ماڵپەری قورئانی پیرۆز

نووسینى/د.عائض القرنى
ئاماده‌کردنى/سانا حمدامین
خودا ده‌فه‌رموێت [لَّقَدْ رَ‌ضِيَ اللَّـهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَ‌ةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحًا قَڕ‌يبًا ]الفتح/١٨ واته‌ خودا رازى بوو له‌ باوه‌ڕداران کاتێ په‌یمانیان به‌ تۆدا له‌ ژێر داره‌که‌دا خودا ده‌زانى چى له‌ دڵیاندایه‌ خودا سه‌کینه‌ و هێمنى باراند به‌ سه‌ریاندا و خودا پاداشتیان ده‌داته‌وه‌ به‌ سه‌رکه‌وتنێکى ڕوون و ئاشکرا. به‌ڵێ ئه‌مه‌ هه‌موو شتێکه‌ که‌ باوه‌ڕداران هه‌وڵ و ئامانجى بۆ ده‌ده‌ن پێى بگه‌ن, به‌ڵێ ته‌نها خودایان ده‌وێ لێیان ڕازى بێ, ئه‌ى چى له‌وه‌ باشتر هه‌یه‌ و به‌ نرختر هه‌یه‌, وه‌ک ده‌فه‌رموێت [وَڕ‌ضْوَانٌ مِّنَ اللَّـهِ أَكْبَرُ‌]التوبه‌/٧٢ به‌ڵێ لێره‌دا به‌س ڕازیبوونى خودا چونکه‌ ئه‌وان سۆزیان به‌ پێغه‌مبه‌ر صلى الله علیه‌ وسلم دا چونکه‌ ئه‌و پێغه‌مبه‌ره‌ صلى الله علیه‌ وسلم له‌سه‌ر گیان و رۆحیان بوو بۆ ئه‌وه‌ى خودا لێیان ڕازى بێ به‌ڵێ خودا ده‌زانێ ئه‌وان ڕاستگۆ بوون بۆ خودا موسڵمان بوون بۆیه‌ برسێتى و تینوویه‌تى و ماندووبوون و شه‌ونخوونى هه‌موویان لا ئاسان بوو له‌ پێناو خودادا به‌ڵێ ده‌رکران و جیاکرانه‌وه‌ و ماندوو کران کوژران به‌ڵام ئه‌وان هه‌ر ڕازى بوون به‌ڵام ئه‌وه‌ى جێى پرسیاره‌ ئایا ئه‌و باوه‌ڕدارانه‌ مه‌به‌ستیان به‌ده‌ستهێنانى ماڵ و سامان و ده‌وڵه‌مه‌ندیى ده‌ستکه‌وته‌کانى دونیایه‌؟! نه‌خێر ئه‌وان ته‌نها ڕازیبوونى خودایان ده‌وێ ئه‌وه‌ى ئه‌وان شاد ده‌کات و فێنکى به‌ ده‌روونیاندا ده‌هێنێ و دڵخۆشن پێى ته‌نها ڕازیبوون و لێخۆشبوونى خودایه‌. بۆیه‌ ده‌فه‌رموێت [وَجَزَاهُم بِمَا صَبَرُ‌وا جَنَّةً وَحَڕ‌يرً‌ا ﴿١٢﴾ مُّتَّكِئِينَ فِيهَا عَلَى الْأَرَ‌ائِكِ ۖ لَا يَرَ‌وْنَ فِيهَا شَمْسًا وَلَا زَمْهَڕ‌يرً‌ا]الانسان/١٢-١٣ واته‌ پاداشتیان به‌وه‌ ده‌داته‌وه‌ به‌هه‌شت و ئاوریشم, و پاڵ ئه‌ده‌نه‌وه‌ له‌سه‌ر دۆشه‌کى به‌رزوبڵند و خۆش تووشى خۆر و سه‌رما نابن سێبه‌رى فێنکى نزیکه‌ له‌سه‌ریان باخه‌کان و به‌روبوومیان له‌ خزمه‌تیان دایه‌ هه‌تا هه‌تایه‌