ماڵپەری قورئانی پیرۆز

ئاماده‌کردنى/سانا حمدامین
کاتێ په‌روه‌ردگارى مه‌زن سامان به‌ یه‌کێ ده‌به‌خشێ له‌م دونیایه‌دا بۆ ئه‌وه‌ى ده‌ست گیرۆى هه‌ژاران و قه‌رزاران و لێقه‌وماوان بکات نه‌ک هه‌ل په‌رست بێت و بارى ناهه‌موارى خه‌ڵکى لێ قه‌وماو بقۆزێته‌وه‌ و قه‌رزیان بداتێ به‌ سوو ئه‌ویش له‌ناچاریدا قبوڵى بکات وه‌ له‌وانه‌ش هه‌ر بۆى نه‌درێته‌وه‌ و ناچاربێت به‌وه‌ى خه‌ڵکى ماڵى به‌تاڵان به‌رن له‌ ئاینى پیرۆزى ئیسلام دا سوو له‌ گوناهه‌ گه‌وره‌کانه‌ وه‌ له‌ داوێن پیس گه‌وره‌تره‌ سزاى پڕ ئێش ترو گه‌وره‌تره‌ خواى گه‌وره‌ به‌ توندى هه‌ڕه‌شه‌ له‌وانه‌ ده‌کات که‌ ده‌زانن و پێ یان ده‌گات که‌سوو حه‌رامه‌ و ده‌ستى لێ هه‌ڵ ناگرن بۆیه‌ ده‌فه‌رموێت[وَمَنْ عَادَ فَأُولَـٰئِكَ أَصْحَابُ النَّاڕ‌ ۖ هُمْ فِيهَا خَالِدُونَ ]البقره‌/٢٧٥ واته‌ هه‌رکه‌س دواى زانینى حه‌رامى[سوو] گه‌ڕایه‌وه‌ بۆ سوو خواردن ئه‌وانه‌ ئه‌هلى دۆزه‌خن و به‌هه‌میشه‌یى تیاى بمێننه‌وه‌. هه‌روه‌ها خوداى میهره‌بان فه‌رموویه‌تى [يَا أَيُّهَا الَّذِينَ آمَنُوا لَا تَأْكُلُوا الڕّ‌بَا أَضْعَافًا مُّضَاعَفَةً ۖ وَاتَّقُوا اللَّـهَ لَعَلَّكُمْ تُفْلِحُونَ ﴿١٣٠﴾ وَاتَّقُوا النَّارَ‌ الَّتِي أُعِدَّتْ لِلْكَافِڕ‌ينَ ]ال عمران/١٣٠-١٣١ واته‌ ئه‌ى که‌سانێ که‌ بڕواتان هێناوه‌! سوو وه‌رمه‌گرن- سودى پووڵ مه‌خۆن- له‌خوا بترسن تا به‌ڵکو ڕزگار بن وه‌ خۆ بپارێزن له‌ ئاگرێک که‌ بۆ کافران ئاماده‌ کراوه‌ وه‌په‌یڕه‌وى خواو پێغه‌مبه‌ر بکه‌ن تا به‌ڵکو به‌ر ڕه‌حمه‌تى خوابکه‌ون وه‌ پێغه‌مبه‌ر صلى الله علیه‌ وسلم سه‌روه‌رمان له‌حه‌وت تاوانه‌ هه‌ره‌ گه‌وره‌ له‌ناوبه‌ره‌که‌ى ناوبردوه‌ ئیتر کاتى ئه‌وه‌ هاتووه‌ ده‌وڵه‌مه‌ندان ده‌ستى لێ هه‌ڵبگرن پێش ئه‌وه‌ى مردن یه‌خه‌یان پێ بگرێت وتووشى سزاى پڕ ئێشى دۆزه‌خ ببن خوایه‌ په‌نامان بده‌یت.