ماڵپەری قورئانی پیرۆز

نووسینی / محمد فتح الله گولەن /وەرگیرانی / حبیب محمد سعید///هەندێك لە تەفسیرنووسان لەتەفسیری (كان الناس امە واحدە) دا ئەلێن : ئادەمیزادەكان هەر هەموویان كافر بوون , خوای گەورە نووح پێغەمبەرو پاشان پێغەمبەرەكانی تری سەلامی خوایان لێبێت رەوانەكرد. بەڵام ئەم تەفسیرە بە هیچ شێوەیەك راست نیە . لە سەردەمی ئادەمەوە سەلامی خوای لێ بێت هەتا ئەمرۆ لە هەموو سەردەمێك دا , خەڵكی بۆیان ئیمكان بووە هیدایەت لەسەر دەستی پێغەمبەرێك دا وەربگرن و , شوێن رێگاكەی بكەون و, خۆیان بە پلە بەرزەكان بگەیەنن . واتە هەمیشە ئەو هەلە رەخساوە و , هی وایان بووە كەلكی لەو هەلە وەرگرتووە و , هی واش بووە كەلكی لێ‌ وەرنەگرتووە و وەك خۆی ماوەتەوە . بەهەر حال ئادەمیزاد بەبێ‌ رابەر نەماوەتەوە و , هەرچەندە بە هۆی ئەو پەیامە تازەوە كە پێغەمبەران سەلامیان لێبێت پێیان رەوانە ئەكران ناكۆكیی ئەكەوتە نێوان ئادەمیەكانەوە , بەڵام ئەو هیدایەتەی كە رەوانەكردنی پێغەمبەران پێشكەشی ئەكرد یەكجار لەو ناكۆكی یە زیاتر بووە ......