ماڵپەری قورئانی پیرۆز

صباح مجيد ...محوي...هێلێن ئۆتوده‌ی  له‌ کتێبه‌که‌یدا که‌ برایه‌ک به‌ناوی به‌رهه‌م عوسمان  له‌ ئینگلیزییه‌وه‌ وه‌ریگێڕاوه‌ته‌ سه‌ر کوردی، ئاماژه‌ی به‌ شتێکی گرنگ کردووه‌، ئه‌ویش ئه‌وه‌یه‌ که‌ ناوی شیرینی (محمد) ئه‌مڕۆ له‌سه‌رتاسه‌ری جیهاندا به‌ربلآوترین ناوه‌ و له‌ پله‌ی یه‌که‌مدایه‌. بێگومان هۆکاره‌ی ئه‌مه‌ش ئه‌وه‌یه‌ که‌ پێغه‌مبه‌ری خۆشه‌ویستمان (د.خ) نێردراوه‌ بۆ سه‌رجه‌م مرۆڤایه‌تی..هه‌روه‌ها هۆکارێکی دیکه‌ش ئه‌وه‌یه‌ که‌ ره‌فتار و گوفتار و هه‌ڵسوکه‌وت و په‌یام و به‌رنامه‌ تۆکمه‌ و راست و دروست و بێخه‌وشه‌که‌ی خۆشه‌ویست (د.خ) کاریگه‌رییه‌کی زۆری بۆسه‌ر مرۆڤه‌کان هه‌بووه‌ و هه‌یه‌ و ده‌بێت، بۆیه‌ ناوی (محمد) به‌ربڵاوترین ناوه‌ له‌ جیهاندا. ئاده‌ی سه‌لآواتێک له‌سه‌ر خۆشه‌ویست (د.خ) لێده‌:( الصلاة والسلام على رسول الله وعلى آله وصحبه الكرام).