ماڵپەری قورئانی پیرۆز

نووسینی /هارون نوح طه‌/كتێبخانه‌ی محوی///ئیمامی أبو حنیفە بە قوتابیەكەی خۆی ووت أبو یوسف: ئەی یعقوب ڕێز لە كاربەدەست (السلطان) بگرە. پلەو پایەكەی بە چاوێكی گەورە سەیر بكە. ووریا بە لەلای درۆ نەكەیت، لە هەموو كاتێك نەچیتە لای، ئەگەر كارێكی پێویستت نەبێ وەكو بڵاوكردنەوەی زانست‌و زانیاری. چونكە ئەگەر زۆر بچیتە لای فەرامۆشت دەكات، بە چاوێكی سووك سەیرت دەكات. وە كارەكەی تۆش لەپێش چاوی ئەو دەكەوێ. وا دابنێ كە تۆ لەلای ئەو لە نێو ئاگری. سودی لێ دەكەیت‌و خۆشت لێی دەپارێزی، لێی نزیك نەكەویتەوە، چونكە دەسووتێیت‌و ئازارت پێ دەگات. لەبەر ئەوە كاربەدەست ئەوەی بۆ خەڵك ناوێت كە بۆ خۆی دەوێت. ووریا بە زۆر لە مەجلیسی قسە مەكە. چونكە ئەگەر زۆر قسەت كرد لە وانەیە خۆی بە خزم‌و كەسی خۆی هەڵبكێشێ‌و بڵێ من لە تۆ زاناترم. لەوانەیە لەم زۆر قسەكردنەش هەڵە بكەیت بەوەش لە پێش چاوی دارو دەستی كاربەدەست دەكەویت. بەڵام كە چوویتە لای ڕێزی خۆت بگرە، وە ڕێزی غەیری خۆشت بگرە. چونكە بەوەوە ڕێز دار دەبیت