ماڵپەری قورئانی پیرۆز

نووسینی:هارون نوح طه.....کتێبخانه‌ى محوی: ڕۆژێکیان ئیمامی (علي) ڕه‌زای خوای لێ بێت، چووه‌ مزگه‌وتی کوفه‌ی عیراق بۆ ئه‌وه‌ی دووڕه‌کعات نوێژی چێشت ته‌نگاو بکات بینی کوڕێک له‌به‌رده‌م ده‌رگا وه‌ستاوه‌، پێی گوت: ئه‌ی کوڕه‌ ئێستره‌که‌م ببه‌سته‌وه‌ و ئاگات لێ بێ تاکو نوێژ ده‌که‌م، ئیمامی (علي) چووه‌ مزگه‌وت، ویستی که‌ هاته‌ ده‌ره‌وه‌ درهه‌مێک بدات به‌ کوڕه‌که‌ له‌ پاداشتی ئه‌و کاره‌ی، کاتێ چووه‌ ناو مزگه‌وت له‌ کوڕه‌که‌ ون بوو، کوڕه‌که‌ هه‌ستا لغاوی ولآخه‌که‌ی بردو  بیفرۆشێ، کاتێ ئیمامی (علي) هاته‌ ده‌ره‌وه‌ بینی هیچ که‌س له‌لای ولآخه‌که‌ی نه‌ماوه‌، وه‌ ولآخه‌که‌ی به‌بێ لغاو ماوه‌ته‌وه‌، ناچار پیاوێکی نارد به‌شوێن کوڕه‌که‌ وپێی گوت: بڕۆ بۆ بازار بۆی هه‌یه‌ بیفرۆشێ، پیاوه‌که‌ چووه‌ بازار و کوڕه‌که‌ی دۆزیه‌وه‌و بینی که‌ خه‌ریکه‌ ئارایشی ده‌کات و به‌ درهه‌مێکی فرۆشت، ئینجا گه‌ڕایه‌وه‌ هه‌واڵی کوڕه‌که‌ی گه‌یانده‌ (ئيمامي علي) ئه‌ویش  فه‌رمووی: سبحان الله سوێند به‌ خوا نیازم وابوو درهه‌مێکی حه‌ڵاڵی بده‌مێ به‌لآم ئه‌و نه‌یویست تاکو حه‌ڕامه‌که‌ی بۆ خۆی  هه‌ڵبژارد و بردی.