ماڵپەری قورئانی پیرۆز

نوسینى : عه‌مرو خالد......وه‌رگێرانى : بورهان محمد امین     ئه‌ندازیار عوسمان    ...ئاماده‌کردنى : سامان خدر....پاش ئه‌وه‌ى ئایه‌ته‌کان ئه‌حکامى جۆراوجۆریان باس کرد،ئینجا دێته‌ سه‌رباسى ئایه‌تێکى گرنگ که‌ ته‌وه‌ره‌یه‌کى گرنگه‌ (يَا أَيُّهَا الَّذِينَ آمَنُواْ ادْخُلُواْ فِي السِّلْمِ كَآفَّةً) (البقرة : 208).واته‌: ئه‌ى ئه‌وانه‌ى بڕواتان هێناوه‌ هه‌موو بچنه‌ ناوئیسلامه‌وه‌ به‌چاکى و به‌ته‌واوه‌تى و شوێن پێى شه‌یتان هه‌ڵمه‌گرن چونکه‌ به‌ڕاستى ئه‌و دوژمنى ئاشکراتانه‌ (وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ)...
بیرمان نه‌چێت له‌ئایه‌تى (36) دا قورئان باسى سیفه‌تێکى خراپى جوله‌که‌ى کرد که‌په‌یڕه‌وى به‌شێک له‌دینه‌که‌یان ده‌که‌ن و په‌یڕه‌وى به‌شێکى تر ناکه‌ن و شوێن ئاره‌زویان ده‌که‌ون له‌وه‌ى که‌ شوێن به‌رنامه‌ى خــوا ده‌که‌ون (أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ)(البقرة : 85).
دیاره‌ ئه‌و ئایه‌ته‌ى (208) ڕێنماییه‌ بۆ ئوممه‌تى ئیسلام که‌ په‌ند وه‌رده‌گرن له‌نه‌وه‌ى ئیسرائیل و هه‌ڵه‌کانى ئه‌وان له‌دیندارى دووباره‌ نه‌که‌نه‌وه‌،په‌ند بۆ موسڵمانان که‌ به‌ ته‌واوه‌تى پابه‌ندى ئیسلام بن و به‌شێکى وه‌رنه‌گرن و به‌شێکى وازلێبێنن،وه‌ک ئه‌وه‌ى نوێژده‌کاو بالآ پۆش نیه‌، یا شه‌و نوێژده‌کاو ئازارى دراوسێى ئه‌دات.