ماڵپەری قورئانی پیرۆز

نووسينى/هارون نوح طه‌/كتێبخانه‌ى محوى///(الحزنی) دەڵێ: ووتم ئەگەر كەسێ هەبێ ئەوەی لە دڵمە دەری بێنێ. وە ئەوەی بەسەر خەیاڵم دێت لە یەكتا پەرستی كە چارەی بكات ئەوە ئیمامی شافیعی یە. چوومە لای لە میصر بوو. ووتم: هاتۆتە خەیاڵم مەسەلەیەك لە یەكتا پەرستی. زانیم كە هیچ كەسێ ئەو زانیاریەی لەلا نییە كە لای تۆیە بزانم چیت لەلایە؟ شافیعی تووڕە بوو. ووتی ئایا دەزانی تۆ لە كوێی؟ووتم: بەڵێ. ووتی: لە شوێنێكی كە خوا فرعونی تێدا خنكاند. ئایا پێت گەیشتووە كە پێغەمبەر (درودی خوای لەسەر بێت) فەرمانی كردبێ بەم پرسیارە؟ ووتم: نەخێر. ووتی: ئایا هاوەڵانی پێغەمبەر قسەیان لێی كردووە؟ ووتم: نەخێر. ووتی: دەزانی چەند ئەستێرە هەیە لە ئاسمان؟
ووتم: نەخێر. ووتی: ئایا دەزانی ئەستێرەیەك لەمانە چۆنە چۆن ئاوا دەبێت وە لە چی دروست كراوە؟ ووتم: نەخێر. ووتی: كەواتە شتێك كە بە چاوی خۆت دەیبینی لە بوونەوەری خوا نایناسیت چۆن قسە لەسەر زانستی خوایەكەی دەكەیت. پاشان پرسیارێكی لێ كردم سەبارەت بە دەست نوێژ. لە وەڵام دا هەڵەم كرد. ئینجا كردی بە چوار لق لە هیچیان نەمپێكا. ووتی: شتێك كە ڕۆژێ پێنج جار پێویستت پێی دەبێ ئینجا واز لە زانستەكەی دێنی. بە دوای زانستی خوا دەگەڕێیت. ئەگەر دڵت تووشی وەسوەسە هات بگەڕێوە بۆ لای خواو بۆ لای ئەو ئایەتەی كە دەفەرموێ [ۆإلهُكم إلهٌ واحد، لا إله إلا هۆ الرَّحمَن الرَّحیم* إنَّ فی خَلقِ السمواتِ واڵارض] بە بوونەوەر خوا بدۆزەوە. بە دوای زانستێك مەگەڕێ كە بە عەقلت نەگەیشتبێ. ئینجا دەڵێ تۆبەم كرد (واتە بڕیارم دا كە پرسیار لە شتێ بكەم كە سوودی لێ وەربگرم).