ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///دوو ئافرەت لە ماڵا دەرچوون هەردووكیان یەكەو منداڵیان پێ بوو. گورگ پەلاماری یەكێ لەو منداڵانەی دا خواردی. گیروگرفت دروست بوو لە نێوان هەردووك ئافرەت لەسەر منداڵەكە. هەریەكە ووتی: منداڵی تۆی خواردوە. چوونە لای پێغەمبەر داود (علیە السلام) بەسەرهاتەكەیان بۆ باس كرد. داود فەرموی: ئەو منداڵەی كە ماوە هی ژنە گەورەكەیە. ڕازی نەبوون. چوونە لای پێغەمبەر سلێمان (علیە السلام) فەرموی بە ئافرەتەكان بڕۆن چەقۆیەكم بۆ بێنن با ئەو منداڵە بكەم بە دوو پارچە هەر یەكەتان پارچەیەك بۆ خۆتان بەرن. ئافرەتە بچووكەكە ووتی: ئەی پێغەمبەر دەیكەیت بە دوو پارچە؟ سلێمان فەرموی: بەڵێ. ووتی: نەخێر بەشی منیش با بۆ ئەو ئافرەتە بێ. بەڵام نەكەیت بیكەیتە پارچە. سلێمان فەرموی بە ئافرەتە بچووكەكە وەرە ئەو منداڵە هی تۆیە چونكە تۆ بۆی پەرۆش بوویت. ئینجا منداڵەكەی دایێ.