ماڵپەری قورئانی پیرۆز

نووسينى/هارون نوح طه‌///طلحەی كوڕی عبیدالله یەكێكە لە هاوەڵانی پێغەمبەر لەسەر دەستی ابوبكری صدیق موسلمان بووە لەو دە هاوەڵانەیە كە موژدەی بەهشتیان پێدرا، خاوەنی بەهاو ڕوخسارێكی جوان بووە كاتێ‌ كە رۆیشتنی دەكرد بەپەلە دەرۆیشت پیاوێكی زۆر دەوڵەمەند بووە.
ئیمامی زەهەبی لە كتێبی (سیر اعلام النبلا‌ء)دا دەفەرموێ‌:گلحە لەوانە بوو كە زوو موسلمان بوو دەستی خۆی پێش خست زۆر ئازارو ئەشكەنجەی چەشت لەپێناو دینی خوا دواتر هیجرەتی كرد بەڵام بەشداری نەكرد لە غەزای بەدر بەمەش زۆر ناڕەحەت بوو چونكە سەرقاڵی بازرگانی بوو لە وڵاتی شام بەڵام پێغەمبەر بێ بەشی نەكرد لە غەنیمەو ماڵی بۆدانا لەنێو بەشەكان. لەجیهادو تێكۆشاندا بێ وێنە بوو لەگەڵ پێغەمبەر (درودی خوای لەسەر بێت) بەشداری لەهەموو غەزایەكان كردووە جگە لە بەدر. لەرۆژی ئوحود خاوەنی دەستی سپی بوو بەرگری لەدینی خوا دەكرد بۆیە ڕووبەڕووی ئازارو ئەشكەنجەیەكی زۆر دەبێ زیاتر لە بیست و چوار برینی لەلاشەی دەبێ هەر لەبەر ئەوە بوو پێغەمبەر (درودی خوای لەسەر بێت) لەو رۆژەدا بانگی كرد بە (طلحە الخیر) واتە: گلحەی چاك و باش.
سەبارەت بەپلەی شهیدی گلحە ئیمامی زەهەبی دەفەرموێ‌ :{قاتل طلحە فی الوزر بمنزلە قاتل علی}واتە:بكوژی طلحە لە گوناە و تاوان وەكو بكوژی ئیمامی علی وایە كاتێ كە پێغەمبەر وەفاتی كرد لە طلحە رازی بوو كە ئیمامی عوسمان شهید كرا هەندێك لە ناحەزان خوێنی ئیمامی عوسمانیان خستە پاڵ طلحە كە گوایە دەستی لەم كوشتنەدا هەیە كاتێ خاتوو عائیشەو ئیمامی علی (ڕِەزای خوایان لێ بێت) كۆدەبنەوەلەسەرخوێنی ئیمامی عوسمان وشەڕی سەبەئیەكان دەكەنگلحەیكوری عبیدالله خۆی جیادەكاتەوە دەڕوات بۆ شوێنێكی تر تاكو بەشدار لەشەری موسلمانان نەكات وەبەدەستی موسڵمانان شەهید نەكرێت و كەسێك كە باوەڕی بەخوا هەبێ ئەو نەكوژێت،بەڵام تیرێكی نەناسراو بە ئەژنۆی یان بە گەردەنی دەكەوێت و شەهید دەبێت، ئیمامی (علی) زۆر پەرۆشی دەبێ بیر لەم مەیدانە دەكاتەوە بەدڵ تەنگییەوە دەڵێ:خۆزگەبیست ساڵ پێش ئەم ڕووداوە بمردبام. هەزاران دوردو سڵاو بۆگیانی پاكی طلحەی كوڕی عبیدالله.وسەرجەم هاوەڵان.