ماڵپەری قورئانی پیرۆز

نوسینى: د.عائض عبدالله القرنى.....وه‌رگێڕان: نـه‌وا محمد سعید....نوسینگه‌ى ته‌فسیر.....له‌ مه‌ککه‌ دابه‌زیوه‌و چوار ئایه‌ته‌     به‌ناوى خواى به‌خشنده‌ى میهره‌بان:(لِإِيلَافِ قُرَيْشٍ )[قريش : 1]
ئه‌رێ له‌ کۆ بونه‌وه‌و هۆگرى و ڕێک و پێکى کارى قوڕه‌یش سه‌رت ناسوڕمێ؟! هه‌روا له‌وه‌ش، که‌ خوا هۆیه‌کانى گوزه‌رانى ژیانیانى بۆ سازکردون؟
(إِيلَافِهِمْ ڕحْلَةَ الشِّتَاء وَالصَّيْفِ )[قريش : 2]
چۆن له‌زستان هۆگرى چون بۆ یه‌مه‌ن و، هاوینانیش چون بۆ شام، چۆن ئه‌مه‌یان بۆ ئاسانکراوه‌؟
ئه‌مه‌ش بۆ ئه‌وه‌یه‌، تابژێوى ژیانیان ده‌س که‌وێ، ئه‌م ئاسانکردنه‌ش هه‌ر له‌لایه‌ن خواى تاقانه‌وه‌یه‌، ده‌ى که‌واته‌ کوا سوپاسگوزاریی؟!
(فَلْيَعْبُدُوا رَبَّ هَذَا الْبَيْتِ )[قريش : 3]
که‌واته‌ با بڕوا به‌خواى تاک و ته‌نها بێنن، که‌ ئه‌و خاوه‌نى که‌عبه‌یه‌و، که‌ به‌هۆى که‌عبه‌وه‌ ئێوه‌ گه‌وره‌ بون و شانازى به‌سه‌ر خه‌ڵک دا ده‌که‌ن، له‌به‌ر ئه‌وه‌ى له‌ کن که‌عبه‌ن، که‌واته‌ ده‌بێ سوپاسى خوا بکه‌ن، سوپاسکردنه‌که‌ش به‌ تاعه‌ت کردنى خواو شوێنه‌که‌وتنى پێغه‌مبه‌ره‌که‌یی و ته‌نها خوا په‌رستنه‌وه‌ ئه‌نجام ده‌درێ.
الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ [قريش : 4]
خوا ته‌نها خۆى، له‌کاتى برسێتیدا، خواردنى پێدان و، له‌ ترسێکى گه‌وره‌ دڵنیای کردنه‌وه‌، دیاره‌ خۆراک و دڵنیایی و بآ ترسیی، دوو هۆکارى ژیانن، که‌ خوا خۆى ده‌سته‌به‌رى هه‌ردوکیانه‌، برسێتى وترسیش؛ دووشتى هه‌ره‌ ترسناکن، که‌ ژیان پڕ خه‌م و خه‌فه‌ت ده‌کاتو، گوزه‌ران ناخۆش و تاڵ ده‌کات.