ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///پێغەمبەر (درودی خوای لەسەر بێت) دەفەرموێ: لەو شەوەی كە بەرز بوومەوە بۆ ئاسمانەكان بۆنێكی خۆشم بۆ هات ووتم: ئەی جبرەئیل ئەم بۆنە خۆشە چی بوو؟ ووتی: ئەوە بۆنی ماشیتەی كچی فرعون بوو. ووتم: ماشیتە چی كردووە؟ جبرەئیل فەرموی: دایكی سەری بۆ شانە دەكرد لە ناكاو شانەكەی لە دەست كەوتە خوارێ، ووتی بسم الله كچی فرعون ووتی: مەبەستت باوكم بوو؟ ووتی: نەخێر، خوای من‌و تۆو باوكت. ووتی: بۆ جگە لە باوكم هیچ خوایەكی ترت هەیە؟ ووتی: بەڵێ. كچەكە ووتی: بچم پێی بڵێم؟ دایكی ووتی: بڕۆ پێی بڵێ. كچەكەش پێی ووت، فرعون بانگی كرد پێی ووت: ها جگە لە من هیچ خوایەكی ترت هەیە؟ ووتی: بەڵێ، خوای من‌و تۆ كە لە ئاسمانە. ئینجا فرعون فەرمانی كرد كەوا هەندێ مسی بۆ ئامادە بكەن، پاشان چاك گەرم بكرێت. كە ئامادە كرا خۆی‌و منداڵەكەی خستە نێو ئاگرەكە. ئافرەتەكە.......... ووتی: كارێكم پێت هەیە؟ فرعون ووتی: چییە؟ ووتی: ئەگەر ئێسقانەكانی من‌و كچەكەم بەیەكەوە لەناو یەك پارچە كفن بنێژیت. فرعون ووتی: ئەوە بۆ تۆ بەوەی كە لەسەر ئێمە حەقێكت هەیە. پاشان خستیە نێو مەنجەڵەكە، كەوا مسی گەرمی تێدا بوو. بەردەوام دەسوتان تاكو سوتانەكە گەیشتە منداڵەكەی شیر خۆری. منداڵەكە ووتی بە دایكی: ئەی دایكە ئارام بگرە چونكە ئازاری دنیا سوك ترە لە ئازارەكانی دوا ڕۆژ. ئینجا خۆی كوڕەكەی فڕێ دا ناو مسەكە. پێغەمبەر (درودی خوای لەسەر بێت) فەرموی: چوار كەس بە منداڵی قسەیان كردووە. ئەوە (مەبەست كوڕی كچی فرعون) وە شاهیدی یوسف (علیە السلام) كە لەلایەن خێزانی ئازیزی میسر تۆمەت بار كرا. وە شاهیدی جریجی خوا پەرست هەروەها عیسی ی كوڕی مریم (علیە السلام).