ماڵپەری قورئانی پیرۆز

نوسینى: د.عائض عبدالله القرنى.....وه‌رگێڕانى: نـه‌وا محمد سعید....نوسینگه‌ى ته‌فسیر....به‌ناوى خواى به‌خشنده‌ى میهره‌بان...(بِسْمِ اللهِ الرَّحْمنِ الرَّحِيمِ )
(أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ) [الفيل : 1]
ئه‌دى نه‌تزانى خوا چۆن ئازارى ئه‌بره‌هه‌، خاوه‌نى سوپاى فیلدا، که‌ویستیان که‌عبه‌ بڕوخێنن؟ ئه‌وه‌ بو خواش له‌ناوى بردن و دواى بڕین.
(أَلَمْ يَجْعَلْ كَيْدَهُمْ فِي تَضْلِيلٍ) [الفيل : 2]
ئه‌دى فێڵ و پلانى ئه‌وانى پوچه‌لأ نه‌کرده‌وه‌و، ڕه‌نج به‌خه‌سارى نه‌کردن و، ته‌کبیره‌کانى ئه‌وانى بنبو نه‌کرد، که‌ ئه‌وه‌ى ئه‌وان کۆیان کردبۆوه‌، په‌رته‌وازه‌ى کردو هه‌ڵیوه‌شانده‌وه‌، ئه‌وه‌ى ئه‌وان ئاماده‌یان کردبوو، له‌ناوى برد.
( وَأَرْسَلَ عَلَيْهِمْ طَيْراً أَبَابِيلَ )[الفيل : 3]
خوا جۆره‌ باڵنده‌یه‌کى له‌ ئاسمانه‌وه‌، له‌شێوه‌ى تیپ و پۆل و کۆمه‌ڵى یه‌ک له‌ دواى یه‌کى بۆ ناردن، دیاره‌له‌به‌ر تڕۆیی ئه‌وان و سوک و چروکیان، خواسه‌ربازى بۆنه‌ناردن، که‌ له‌ له‌ناویان ببات.
(تَرْمِيهِم بِحِجَارَةٍ مِّن سِجِّيلٍ )[الفيل : 4]
باڵنده‌کان قوڕى وشک کراوه‌ى وه‌ک به‌ردیان له‌ئاسمانه‌وه‌ تێده‌گرتن، که‌ هاویشتنه‌ که‌ ئامانجى ده‌پێکا و هه‌ڵه‌ى نه‌ده‌کرد، که‌واته‌هه‌ر خوایه‌ سه‌ربازى له‌فریشتان و باڵنده‌و مرۆڤان هه‌یه‌.
(فَجَعَلَهُمْ كَعَصْفٍ مَّأْكُولٍ) [الفيل : 5]
ئه‌وان وه‌ک ئه‌و گه‌لآ و په‌لکه‌ وشک بوه‌وه‌یان لێهات، که‌ ورد و خاش کرابێ و ئاژه‌لأ خواردبێتى، پاشان فڕێی دابێته‌ ده‌ره‌وه‌ و ژێر پێی بخات، جا ئه‌وانیش له‌سه‌ر زه‌وى، په‌رش و بلآو و پارچه‌ پارچه‌کران، که‌ جه‌سته‌یان له‌ت له‌ت کراو کۆمه‌ڵه‌که‌یان په‌رته‌وازه‌کرا.