ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
تایبه‌تمه‌ندییه‌کانی ژماره حه‌وت
ئیمامی ابن القیم الجوزیه ده‌فه‌رمووێ :له ڕووی ئه‌ندازه‌و شه‌رعه‌وه ژماره حه‌وت هاتووه و تایبه‌تمه‌ندی خۆی هه‌یه.
- خوای گه‌وره حه‌وت ئاسمانی دروست کردوون
- به‌هه‌مان شێوه زه‌ویش حه‌وت ته‌به‌قه‌ی هه‌یه
- دروست بوونی مرۆڤ ته‌واو بوو له حه‌وت ده‌ور
- خوای گه‌وره حه‌وت دانه جار ته‌وافی به‌ده‌وری که‌عبه‌دا داناوه بۆ به‌نده‌کانی
- هاتووچۆ (السعي) له‌نێوان (صفا و (مروة) دا حه‌وت جاره.
- به‌هه‌مان شێوه ڕه‌جمی (حجرات) له مینادا حه‌وت جاره.
- ته‌کبیره‌ی چه‌ژن له نوێژدا له ڕه‌کعه‌تی یه‌که‌مدا حه‌وت جاره.
- پێغه‌مبه‌ر () ده‌فه‌رمووێ: فه‌رمان به منداڵه‌کانتان بکه‌ن به نوێژکردن که ته‌مه‌نیان گه‌یشته حه‌وت ساڵان.
- ئه‌گه‌ر منداڵ گه‌یشته ته‌مه‌نی حه‌وت ساڵی سه‌رپشکه له نێوان دایک و باوکی.
- پێغه‌مبه‌ر ()له کاتی نه‌خۆشیدا فه‌رمانی کرد که له حه‌وت شوێندا ئاوی بۆ بێنن
- کزه‌بای توڕه‌یی خوا به‌سه‌ر قه‌ومی (عاد) دا هات له‌ماوه‌ی حه‌وت رۆژ – نمونه‌ی که‌سی خێره‌مه‌ند که خوا پاداشتی بداته‌وه وه‌کو ئه‌و دانه‌وێله که حه‌وت گوڵێ لێ سه‌وزبێت.
- ئه‌و گوڵه دانه‌وێله‌ی هاوڕێکه‌ی حه‌زره‌تی یوسف له خه‌ون دا بینی حه‌وت دانه بوون.
- ئه‌و سالانه‌ی که دانه‌ویله‌یان چاند له میسر حه‌وت ساڵ بوو.
- هۆزه‌بانه (العقيقة) کردن بۆ منداڵ له دوای حه‌وت ڕۆژه له ته‌مه‌نی.
- ئه‌و قاپه‌ی که سه‌گ ده‌می لێداوه ده‌بێ حه‌وت جار بشۆردرێت.
- قورئان له‌سه‌ر حه‌وت پیت دابه‌زیوه.
- ئه‌وانه‌ی له ژێر سێبه‌ری خوا حه‌شر ده‌کرێن حه‌وت چینن
- ئه‌و تاوانه گه‌ورانه‌ی که به له‌ناوبه‌ر (الموبقات) ناویان هاتووه بریتین له حه‌وت تاوان (السبع الموبقات)
- ژماره‌ی ئایه‌ته‌کانی سوره‌تی (الفاتحة) حه‌وت ئایه‌ته ئه‌مه‌ش اعجازی قورئان و ژماره‌ی حه‌وته.