ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///عبدالله ی كوڕی ئیمامی أحمدی كوڕی حنبل دەفەرموێ:كاتێ كە باوكم لە ناخۆشی‌و مەینەت دەرچوو. ترسا لەوەی كە اسحاقی كوڕی ڕاهویە سەردانی بكات (یەكێكە لە زانایانی سەردەمی ئیمامی شافعی‌و احمد)  باوكم چوو بۆ لای. كە گەیشتە ڕەی چوە نێو مزگەوتێك. بارانیش دەباری وەكو گۆزەی سەراو ژێركراو. كە بووە ئێوارە پێیان ووت بڕۆ دەرێ دەرگای مزگەوت دادەخەین. باوكم ووتی ئەوە مزگەوتی خوایەو منیش بەندەی خوام. كابرا پێی ووت یان دەچیت یان بە قاچ ڕادەكێشم بۆ دەرێ. ئەویش ووتی (سلاما) واتە شەڕو ئاژاوەم ناوێ بۆخۆم دەردەچم. دەڵێ كە دەرچوم باران زیاتری كرد نەمدەزانی لە كوێ بحەسێمەوەو ڕوو لە كوێ بكەم لە ناكاو پیاوێك لە مالێك هاتە دەرێ ووتی وەرە ژوورێ ئەوە لەو كاتەو لەو شەوە چی دەكەیت؟ ووتم بەخۆشم نازانم بۆ كوێ دەڕۆم. ئینجا زۆر بەڕێزەوە منی بردە ژوورێ‌و جل‌و بەرگی لەبەر كردمەوەو جل‌و بەرگێكی ووشكی دامێ. پاشان خۆم ئامادە كرد بۆ نوێژ. لەو ماڵە چوومە ژورێك كە هەندێ خەلووزو لبادو سفرەیەكی دانراوی لێبوو. پێی ووتم بخۆ. منیش لەگەڵ ئەوان نانم خوارد. پاشان پێی ووتم: تۆ لە كوێ هاتی بۆ ئێرە؟ ووتم: لە بغداد. ووتی: پیاوێكی لێیە دەیناسی ناوی احمدی كوڕی حنبلە؟ ووتم بەڵێ من احمدی كوڕی حنبلم ووتی منیش اسحاقی كوڕی ڕاهویەم.