ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى ١٠١ سوڕه‌تى (نساء) ... { وَإِذَا ضَرَبْتُمْ فِي الأَرْضِ فَلَيْسَ عَلَيْكُمْ جُنَاحٌ أَن تَقْصُرُواْ مِنَ الصَّلاَةِ ... }
نوسینى : بورهان موحه‌مه‌د ئه‌مین ... ئاماده‌کردنى : چێنه‌ر ...
ئایه‌ته‌که : (إبن جرير) له (على)یه‌وه ده‌گێڕێته‌وه ، ده‌ڵێت : کۆمه‌ڵه خه‌ڵکێک له (بنى نجار) پرسیاریان کرد له پێغه‌مبه‌ر (د.خ) و وتیان : پێغه‌مبه‌رى خوا ، ئێمه دوورده‌که‌وینه‌وه و ده‌چین بۆ ئه‌ملا و لا چۆن نوێژ بکه‌ین ؟ خواى گه‌وره‌ش ئایه‌تى { وَإِذَا ضَرَبْتُمْ فِي الأَرْضِ فَلَيْسَ عَلَيْكُمْ جُنَاحٌ أَن تَقْصُرُواْ مِنَ الصَّلاَةِ... }ى دابه‌زاند، ئینجا نیگا پچڕاو دواى ئه‌وه‌ش به ساڵێک پێغه‌مبه‌رى خوا له غه‌زادابو و نوێژى چه‌شته‌نگاویان کرد ، موشریکه‌کان ئه‌مه‌یان به‌هه‌ل زانى و وتیان : محمد و هاوه‌ڵانى هه‌لێکیان داوه به‌ده‌سته‌وه و ده‌توانن له پشته‌وه بچینه سه‌ریان و فشاریان له‌سه‌ر توند بکه‌ن ، یه‌کێک له‌نێو خۆیاندا وتى : نوێژێکى تریان هه‌یه ، باکاتى بێت ئه‌وسا ده‌ست به‌کاربن ، پاشان په‌روردگار له نێوان هه‌ردوو نوێژه‌که‌دا ئایه‌تى { إِنْ خِفْتُمْ أَن يَفْتِنَكُمُ الَّذِينَ كَفَرُواْ } هه‌تا { عَذَاباً مُّهِيناً }ى دابه‌زاند ، دواى ئه‌وه‌ش نوێژى ترس (صلاة الخوف) دابه‌زى ، (أحمد) و (حاكم) و (بيهقى) له (إبن عياش الزرقى) ه‌وه ده‌گێڕنه‌وه، ده‌ڵێت : له ناوچه‌ى (عسفان) له‌گه‌ڵ پێغه‌مبه‌رى خودا (د.خ) بوین ، موشریکه‌کان پێشیان لێگرتین و له‌نێویشیاندا (خالد) ى کوڕى ( وليد ) یان تێدابوو که به‌رى قیبله‌مان لێگیرا ، پێغه‌مبه‌رى خودا (د.خ) نوێژى نیوه‌ڕۆى بۆ کردین و ئه‌وان وتیان : له‌وحاڵه‌دا باش بوو بده‌ین به‌سه‌ریاندا که غافڵ بوون ، پاشان له‌نێو خۆیاندا وتیان : نوێژێکى تریان ماوه و هێشتا واده‌ى نه‌هاتووه و ئه‌و نوێژه خۆشه‌ویستره له ماڵ و نه‌فسى خۆشیان ، ئینجا (جبريل) ئه‌م ئایه‌تانه‌ى له‌نێوان چه‌شته‌نگاو و عه‌سرا دابه‌زاند { { وَإِذَا ضَرَبْتُمْ فِي الأَرْضِ فَلَيْسَ عَلَيْكُمْ جُنَاحٌ أَن تَقْصُرُواْ مِنَ الصَّلاَةِ... }.