ماڵپەری قورئانی پیرۆز

نووسينى /هارون نوح طه‌/كتێبخانه‌ى محوى///ڕۆژێك سلێمان پێغەمبەر(علیە السلام) دانیشتبوو لە گەڵ وەزیرو لێ پرسراوەكانی. لە ناكاو پیاوێكی ڕەنگ‌و ڕوخسار جوان‌و بەڕێز هاتە لایان. ماوەیەك مایەوە پاشان هەڵسا. یەكێ لە پیاوانی مەجلیسەكە ووتی:

ئەی پێغەمبەری خوا ئەم پیاوە بەسام‌و هەیبەتە كێ بوو؟ حەزرەتی سلێمان فەرموی ئەوە فریشتەی گیان كێشان بوو. پیاوەكە ترسێكی زۆری بەسەردا زاڵ بوو. ووتی ئەی پێغەمبەری خوا من لێرە ئۆقرە ناگرم یارمەتیم بدە. فەرمان بكە بە (با) بۆ ئەوەی هەڵم گرێ بۆ ووڵاتی هندستان بێ گومان تازە لێرە ناتوانم دابنیشم. كە فریشتەی گیان كێشانی لێ دانیشتوە. سلێمان خێرا فەرمانی بە (با) كرد پیاوەكەی هەڵگرت بۆ ووڵاتی هندستان. پاشان فریشتەی گیان كێشان هاتەوە لای حەزرەتی سلێمان. ووتی: ئەی پێغەمبەری خوا كوا ئەوەی لێرە لەلات دانشتبوو؟ فەرموی لە ترسی تۆ ڕای كرد. داوای كرد كە بچێ بۆ هندستان ئینجا بە فەرمانی خوا (با) هەڵی گرت بۆ هندستان. فریشتەی گیان كێشان ووتی: ئەی سلێمان ئەو كاتەی هاتمە لات ئەم پیاوە دانیشتبوو زۆر سەر سام بوم. چونكە خوا فەرمانی پێ كردم كە بچم گیانی بكێشم لە ووڵاتی هندستان. بەڵام سەیرم كرد وا لێرەیە. سەرم سووڕما ووتم: گەورەیی‌و پاكی هەر بۆ خوایە. بەڕاستی شوێن‌و كات ناگۆڕێ. كە لێرە هەڵسام‌و ڕۆیشتم بۆ ئەو جێگایەی كە خوا فەرمانی پێ دابووم لە هندستان. وە لەو كات ژمێرەش ئامادە بوو هەر لەوێ گیانم كێشا