ماڵپەری قورئانی پیرۆز

نوسینى : ڕابه‌ر عبدالله
ئاماده‌کردنى : حسیبه‌ حمدامین    
خوداى بالآده‌ست وه‌ک ڕێز لێنانێک بۆ پێغه‌مبه‌ر محمد (ص)  سووره‌تى ( الاسراْ  ) ى  کرده‌ ئه‌و ناوه‌ , که‌ کاتێک دواى ناڕه‌حه‌تى و ئازاره‌کانى (( تائيف )) و  پێش کۆچکردنى بۆ (( مه‌دينه‌ )) به‌ (سالَيَك و شةش مانگ) , له‌ساڵى (ده‌يه‌مى) پێغه‌مبه‌رێتیدا و له‌ شه‌وێکى ساماڵدا و له‌ مانگى ٢٧ ى ره‌جه‌بدا شه‌و ڕه‌وى کرا بۆ ((بيت المقدس )) و له‌وێشه‌وه‌ به‌رز کرایه‌وه‌ بۆ مه‌له‌کوتى ئاسمانه‌کان , پاشان هه‌رله‌و  به‌رزکردنه‌وه‌دا خواى بالآده‌ست نوێژى له‌سه‌ر نه‌ته‌وه‌که‌ى فه‌رزکرد , که‌له‌ڕۆژێکدا ( 50 ) فه‌رز نوێژ به‌جێبهێنن , پاشان به‌تکاى پێغه‌مبه‌ر موسا ( عليةالسلام ) کرایه‌ ( 5 ) فه‌رز نوێژ له‌ڕۆژ ێکدا که‌ هه‌ر به‌رامبه‌ره‌ له‌گه‌ڵ (50) فه‌رزه‌که‌ى سه‌ره‌تا له‌ ئه‌جرو پاداشتدا ,

ئه‌مه‌ش بۆ خۆى خه‌ڵاتێکى خودا بوو که‌له‌و شه‌وه‌دا کردیه‌ دیارى بۆ نه‌ته‌وه‌که‌ى پێغه‌مبه‌رى ئیسلام محمد(ص)،      .
کۆى ڕکاته‌کانى ( 5 ) نوێژه‌ فه‌رزه‌که‌ له‌ ڕۆژێکدا به‌رامبه‌ره‌ به‌ ( 17 ) ڕکات .
٢ به‌یانى , ٤ نیوه‌ڕۆ , ٤ عصر , ٣ مه‌غریب , ٤ عیشاْ
که‌ کۆى هه‌ر پێنجیان  هاوتایه‌ به‌ ( 17 ) ڕکات :
٢ + ٤ + ٤ +٣ +٤ = ١٧
سووره‌تى ( الاسراْ  ) حه‌ڤده‌هه‌م ( 17 ) سووره‌ته‌ له‌ قورئانى پیرۆزدا ! ,
 وه‌ خوداى گه‌وره‌ له‌باسى نوێژدا ده‌فه‌رموێت : [    يَا أَيُّهَا  الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ [المائدة : 6]  ئه‌م ئایه‌ته‌ پێرۆزه‌ى سوره‌تى ( المائدة ) که‌ باس له‌ نوێژو چۆنیه‌تى ده‌ست نوێژ گرتن ده‌کات , کۆى وشه‌کانى له‌ (17) وشه‌ پێک هاتوه‌ !! خوداى بالآ ده‌ست له‌ سووره‌تتێکى دیکه‌دا له‌ باسى نوێژ و زه‌کات و کارى باشه‌دا ده‌فه‌رموێت : [ وَأَقِيمُواْ الصَّلاَةَ وَآتُواْ الزَّكَاةَ وَمَا تُقَدِّمُواْ لأَنفُسِكُم مِّنْ خَيْرٍ تَجِدُوهُ عِندَ اللّهِ إِنَّ اللّهَ بِمَا تَعْمَلُونَ بَصِيرٌ]    [البقرة : 110 ]
                                                                  
ئه‌م ئایه‌ته‌ى پیرۆزه‌ که‌ له‌باسى نوێژ ده‌دوێت به‌هه‌مان شێوه‌ له‌ ( 17 ) وشه‌ پێک هاتوه‌ .
 هه‌روه‌ها له‌ باسى نوێژدا خوداى بالآ ده‌ست له‌ئایه‌تێکى دیکه‌دا ده‌فه‌رموێت : [    يَا بُنَيّ  َ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنكَڕ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُوڕ [لقمان : 17] له‌م ئایه‌ته‌ پیرۆزه‌دا خوداى گه‌وره‌ له‌ زارى ( لوقمانى حةكيم )ه‌وه‌ ده‌فه‌رموێت کاتێک ئامۆژگارى کوڕه‌که‌ى ده‌کات بۆ ئه‌نجام دانى نوێژ و کارى چاکه‌ ,و ئارام گرتن , ئه‌م ئایه‌ته‌ پیرۆزه‌ دوو نهێنى گه‌وره‌ى تێدایه‌ , یه‌که‌میان ژماره‌ى ئه‌م ئایه‌ته‌ له‌ سووره‌تى لوقماندا حه‌ڤده‌یه‌ ( 17 ) هه‌روه‌ها له‌ ( 17 )وشه‌ پێک هاتووه‌ !!.