ماڵپەری قورئانی پیرۆز

نووسينى/ هارون نوح طه‌/كتێبخانه‌ى محوى///وەلیدی كوڕی عبد الملك ساڵێك دەچێ بۆ زیارەتی حەج لە وێ دەچێ  زیارەتی مزگەوتی پێغەمبەر دەكات لە مەدینە. سەیری دارو دیواری مزگەوت دەكات‌و خەڵك سەردانی دەكەن جگە لە سعیدی كوری مسیب نەبێ. كەسیش لە پاسەوانەكانی نەیانتوانی بچن دەری بێنن بۆ وەلید بیبەن. پێیان ووت بۆچی هەڵناستی بچی بۆ لای؟ ووتی: هەڵناستم تاكو كاتی هەستانم دێت بۆ نوێژو پێداویستیەكانم. ووتیان هەرنەبێ سڵاوێكی لێ بكە. ووتی: بەخوا بۆی هەڵناستم. ئیمامی عمری كوڕی عبدالعزیز دەڵێ: منیش هاتوو چۆم بە وەلید دەكرد لە ناو سوچەكانی مزگەوت تاكو سعید نەبینێ. ئینجاولید ڕوی كردە قیبلە ووتی: ئەم شێخە كێیە ئەمە سعید نی یە؟ عمر دەڵێ : بەڵێ سعیدە دیارە حالی تەواو نی یە شوێنی تۆی پێ نەزانیوە ئەگەرنا سەردانی دەكردی چونكە چاوی كەم بینایە. وەلید ووتی: دەزانم حالی چۆنە دەبێ من سەردانی بكەم. ئینجا لە مزگەوتێ چوو بۆ لای پێی ووت: یا شێخ حاڵت چۆنە؟ سوێند بەخوا لە شوێنی خۆی نەجوڵا تەنها ووتی سوپاس بۆ خوا باشم. حاڵی أمیرالمۆمنین چۆنە؟.... ئینجا ولید كەمێك لەلای مایەوە دواتر هەڵسا. بە ئیمامی عمری دەووت: بە ڕاستی ئەوانە ئەو كەسانەن كە لە خەڵك ماونەتەوە كە ڕێگای ڕاست لەلای ئەوانەیە. ئەوانە ئەو پیاوانەن لە نێو خەڵك هەلبژێردراون