ماڵپەری قورئانی پیرۆز

نووسينى /هارون نوح طه‌///عەتاْْ  دەڵێ: چوومە لای فاتیمەی كچی عبدالملك خێزانی ئیمامی عمری كوڕی عبدالعزیز پێم ووت: ئەی كچی عبدالملك هەواڵی (أمیر المۆمنین)م بۆ باس بكە ئایا چۆن بووە لە ژیانی دا؟ فاتیمە ووتی: باشە بۆت باس دەكەم. ئەگەر زیندوو با باسم نەدەكرد، بەڕاستی عمری كوڕی عبدالعزیز ڕەحمەتی خوای لێبێت كاتێك دەتبینی لاشەو  گیانی خۆی بۆ خەڵك تەرخان دەكرد. ڕۆژەكە هەموی دادەنیشت بۆ بەڕێوەبردنی كاری خەڵك. ئەگەر دەبوە ئێوارە سەیری كارەكانی دەكرد. ئەگەر كاری ڕۆژی تەواو نەبوایە بە شەو تەواوی دەكرد. كە دەبوە شەو لە هەموو كارەكانی رۆژی تەواو بوو بوو. پاشان بانگی دەكرد چرایەكم بۆ بێنن. ئینجا دایدەگیرساند بە خەرجی ماڵی خۆی نەك بیت الماڵ. دواتر هەڵدەستا دوو ڕەكعات نوێژی دەكرد. ئینجا پاڵ دەكەوت سەری لە سەر دەستی خۆی دادەنا فرمێسكی دەباراندە سەر ڕومەتی‌و هاواری لێ هەڵدەستا لە ناكاو هەناسەیەكی توندی هەڵدەكێشا. وام دەزانی گیانی دەردەچوو بەردەوام شەوەكەی بەم شێوە دەبردەسەر تاكو بەیانی. كە دەبوە بەیانی بەڕۆژوو دەبوو.