ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هۆى دابه‌زینى ئایه‌تى (١٢٨) سوره‌تى (نساء) : { وَإِنِ امْرَأَةٌ...}
نوسینى : بورهان موحه‌مه‌د ئه‌مین ... ئاماده‌کردنى : چێنه‌ر...
ئایه‌ته‌که : (أبو داود) و (حاكم) له (عائشة) ى دایکى موسوڵمانانه‌وه ده‌گێڕنه‌وه،ده‌ڵێت : کاتێک (سودة)ى خێزانى پێغه‌مبه‌ر (د.خ) به‌ساڵاچوو ده‌ستبه‌ردارى نۆبه‌و ڕۆژى خۆى بوو وتى : ڕۆژه‌که‌ى خۆم ده‌به‌خشم به (عائيشة) ، په‌روه‌ردگاریش
ئایه‌تى { وَإِنِ امْرَأَةٌ خَافَتْ مِن بَعْلِهَا نُشُوزاً } ى دابه‌زاند ، (سعيد) ى کوڕى (منصور) له (سعيد) ى کوڕى (مسيب) ه‌وه ده‌گێڕته‌وه،ده‌ڵێت : کچێکى (محمد) ى کوڕى (مسلمة) ژنى (رافع) ى کوڕى (خديج) بوو،بیانوویه‌کى لێ دۆزیه‌وه بیانووکه‌ش یا پیرى بوو یاخود شتێکى تر،بۆیه ویستى ته‌ڵاقى بدات،ئافره‌ته‌که‌ش وتى:ته‌ڵاقم مه‌ده،پێم بڵێ چ نکووڵیه‌کت بۆ په‌یدابوو لێم،خواى گه‌وره‌ش ئایه‌تى { وَإِنِ امْرَأَةٌ خَافَتْ } ى دابه‌زاند.(حاكم) له (عائيشة) ه‌وه ده‌گێڕێته‌وه،ده‌ڵێت : ئایه‌تى { وَالصُّلْحُ خَيْرٌ } دابه‌زى ده‌رهه‌ق به‌پیاوێک که‌واژنێکى هه‌بوو کۆمه‌ڵه منداڵێکى لێى بووبوو،ویستبووى ژنێکى تر بهێنێت و ده‌ستبه‌ردارى ئه‌و ببێت،به‌وه‌ش ئافره‌ته‌که‌ى ڕازى کردبوو له‌لاى بمێنێته‌وه به‌مه‌رجێک نه‌چێته لاى. (إبن جرير) له (سعيد) ى کوڕى (جبير) ه‌وه ده‌گێڕێته‌وه،ده‌ڵێت : کاتێک ئایه‌تى { وَإِنِ امْرَأَةٌ خَافَتْ مِن بَعْلِهَا نُشُوزاً أَوْ إِعْرَاضاً } دابه‌زى ئافره‌تێک هات و وتى:من ده‌مه‌وێت نه‌فه‌قه‌م بکێشێ، ئه‌م ئافره‌ته‌ش پێشتر ڕێک که‌وتبوو مێرده‌که‌ى نه‌چێته‌لاى و ته‌ڵاقیشى نه‌دا ، په‌روه‌ردگاریش ئایه‌تى { وَأُحْضِرَتِ الأَنفُسُ الشُّحَّ } ى نازڵکرد.