ماڵپەری قورئانی پیرۆز

نووسينى/هارون نوح طه‌///بشری كوڕی حارسی حافی دەفەرموێ: دەڕۆیشتم لە یەكێ لە چیایەكانی شام. چوومە لای پیاوێك پێیان دەووت ئەقڕەع. بینیم گەنجێك بوو لاشەی بێ هێز بوو پێستی نەرم. جل‌و بەرگێكی خوری لەبەر بوو. سەلامم لێی كرد ئەویش وەڵامی دامەوە لە دڵی خۆم ووتم ئێستا پێی دەڵێم ئامۆژگاریم بكە یەكسەر پێی ووتم پێش ئەوەی قسە بكەم وەڵامی نەهێنی منی دایەوە ووتی ئامۆژگاری بەخۆت لە خۆت وەربگرە خۆت لە بەندیخانەی خۆت ڕزگار بكە. سەرقاڵ مەبە بە ئامۆژگاری كەسێكی تر وەكو خۆت. بە تەنیا یادی خوا بكە دەپارێزترێی لە گوناح‌و تاوان. زۆر هەوڵ بدەو خۆت ماندوو بكە. پاشان دەستی كرد بە گریان.