ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بەسەرهاتی خاوەن باخچەكە...چيرۆك
نووسينى /هارون نوح طه///پێغەمبەر (درودی خوای لەسەر بێت) دەفەرموێ: پیاوێك لە شوێنێكی چۆڵا لەسەر زەوی دەڕۆیشت لە ناكاو گوێی لە دەنگێك بوو لە ناو تاریكایی پارچە هەورێك دەیووت: بڕۆ باخچەی فڵان كەس ئاوبدە. هەورەكەش خۆی نەوی دەكردەوە. ئاوەكەی خۆی هەمووی ڕشتە ناو زەویێكی بە بەرد وەكو سێلاوی ئاو. هەرچی ئاو بوو لە نێو ئەو هەورە هەمووی دابەزی بۆ ئەم پارچە زەویە. پیاوەكەش بە دوای ئەم ئاوە كەوت بۆ ئەوەی بزانێ لەسەر زەوی كێ باریوە. بینی پیاویك ڕاوەستاوە بە خۆیی‌و بێڵەكەی ئاوەكە وەردەگێڕێتە سەر نەمامەكانی. پرسیاری لێ كرد
ووتی: ئەی بەندەی خوا ناوت چی یە؟ پیاوەكە (باغەوان) ئەو ناوەی پێ ووت كە لە نێو دەنگی هەورەكەی بیست. پاشان ووتی: بۆ چی لە ناوم دەپرسی؟ كابرا هەواڵی دەنگەكەی هەوری پێ گەیاند. ئینجا ووتی: تۆ چۆن مامەڵە لەگەڵ ئەم باخچەیە دەكەیت؟ باغەوان ووتی: لەبەر ئەوەی كە ئەم قسەیەت كرد وەرە با پێت بڵێم. من بەروبوومی ئەم باخچەیە دەكەم بە سێ بەش، بەشێكی دەكەم بە خێرو دابەشی دەكەم بەسەر هەژاران. وە بەشێكی تر بە خۆم‌و منداڵەكانم دەیخۆم. وە بەشەكەی تریش دەیكەمە خەرجی باغەكە، واتە لە باخچەكە سەرفی دەكەم( ).