ماڵپەری قورئانی پیرۆز

نووسينى/هارون نوح طه‌///پیاوێك بە ڕێگایەك دا تێپەڕی ئاسەواری دەوڵەمەندی‌و پیاو ماقووڵی پێوە دیار بوو. بە شێوازێكی وا دەڕۆیشت وەكو كەسێ كە لە خۆ بایی بووبێ. پێغەمبەر (درودی خوای لەسەر بێت) بە پیاوێكی فەرموو كە لەلای دانیشتبوو: ڕات چی یە بەرامبەر بەم پیاوە؟ كابرا ووتی: ئەوە لە گەورەو پیاو ماقوڵانە، بۆ هەر خوازبێنیێك بڕوا ڕەت ناكرێتەوە، هەر تكایەك بۆ كەسێ بكات تكایەكەی وەردەگیرێ. پێغەمبەر (درودی خوای لەسەر بێت) بێ دەنگ بوو. پاشان پیاوێكی تر تێپەڕی كە بە ملكەچی دەڕۆیشت، ئاسەواری فەقیری‌و هەژاری پێوە دیار بوو. پێغەمبەر (درودی خوای لەسەر بێت) فەرموی: ڕات چی یە سەبارەت بەم پیاوە؟ كابرا ووتی: ئەوە یەكێكە لە هەژارەكانی موسڵمانان، بێ دەسەڵاتە بۆ هەر خوازبێنیێك بڕوات ڕەت دەكرێتەوە. تكاو داواكاری لەناو خەڵك وەرناگیرێ، لەپێش چاوەكان نی یە. ئەگەر قسە بكات كەس گوێی بۆ ناگرێ. پێغەمبەر (درودی خوای لەسەر بێت) فەرموی: ئەم پیاوە پڕ بە زەوی باشترە لە پیاوەكەی یەكەم