ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
وه‌رزى به‌هار..
نووسين و ئاماده‌كردنى /نه‌جات رواندزى /// خواى گه‌وره ئه‌م زه‌مينه‌ى دروست كردوه بۆ ئه‌وه‌ى مرۆڤ تيدا برواو بخوات و گوزرانى خۆى تێدا بكات ،بۆ ئه‌وه باسى مرۆڤ ده‌كه‌م چونكه مرۆڤ باشترين دروست كراوى خوايه ، جا له‌و زه‌ويه‌ش خواى گه‌وره جۆره‌ها وه‌رزى داناوه بۆ ئه‌وه‌ى هاوسه‌نگى دروست بكات له ژياندا ئه‌ويش له سالێكدا چوار وه‌رزى داناوه هه‌ر بۆيه‌ش هاوسه‌نگى دروست بووه له‌سه‌ر زه‌وى ، ئه‌ويش وه‌رزى به‌هارو هاوين و پايزو زستانه ،بۆ نمونه گه‌ر له هه‌موو ساليك يان هه‌ر ساليك ته‌نها سارد بوايه زه‌وى ده‌يبه‌ست و ژيان ى تێدا گوزه‌رانى ناكرد يان زه‌حمه‌ت بوو يان ته‌نها هاوين بوايه زه‌حمه‌ت بوو. زۆر كه‌س باس له وه‌رزه‌كان ده‌كات، يانى وه‌سفى وه‌رزه‌كان ده‌كه‌ن ده‌لين (به‌هار وه‌ك ته‌مه‌نى گه‌نجى و دروست بوونه هاوين ته‌مه‌نى گه‌وره‌بوون و پێگه‌يشتنه وه پايز ته‌مه‌نى پيربوونه و په‌ك كه‌وتنه وه زستان مردنه‌و كۆتاييه ) يانى هه‌موو شتێك سه‌ره‌تايى هه‌يه و كۆتايشى هه‌يه ،كه‌واته يانى وه‌رزى به‌هار واتاى دروست بوون و پێگه‌يشتن و سه‌رهه‌ڵدانه هه‌ر بۆيه له هه‌موو به‌هاردا وه‌رزى خۆشى يه به تايبه‌ت له كوردستاندا ،گه‌شانه‌وه‌ى گژو گياو دارو دره‌خت و ئاوى سازگاره ،وه‌كاريگه‌رى له سه‌ر مرۆڤ و گيانارو شته‌كانى ده‌وروپشت هه‌يه ،مرۆڤ له‌و كاته هه‌ست به‌خۆشى و رۆيشتن بۆ سه‌يران و په‌يدا بوونى گياى جۆراو جۆر و دروست بوونه‌وه‌ى خانه‌ى له‌ش و دروست بوونى ئۆكسجين ، وه بۆگياندارو په‌له‌وه‌ر بۆ خواردن و دروست كردنى به‌رهه‌مى شيرى و شتى ترى زۆر به زۆرى له به‌هاردا دروست ده‌بيت . جابۆيه پێويشته مرۆڤ بير له‌و دروست بوونه‌وه‌و پێگه‌يشتنه‌وه بكات كه چۆن دروست ده‌بيت چۆن واى لێئه‌كات دروست بيت چۆن دروست بووه ،يان كاتى ده‌چينه ده‌روه‌ى شارو ناو شاخ و ده‌شت و ده‌ر بير بكه‌ينه‌وه ئه‌م شوينه چۆن سه‌وز بووه چۆن ئه‌م گژوگيايه له و خاكه ره‌قه رواوه ....هتد . له كۆتايدا هه‌مووى ده‌سته‌لاتى خواى گه‌وره‌ت بير ديته‌وه كه ده‌سته‌لاتيك هه‌يه ئه‌و هه‌موو كاره جوانانه بكات ، گه‌وره‌ي و به‌رزى هه‌ر بۆخواى گه‌وره جوانه .