ماڵپەری قورئانی پیرۆز

نووسينى/هارون نوح طه‌/كتێبخانه‌ى محوى///زیدی كوڕی أسلم لە باوكی خۆی دەگێڕێتەوە دەڵێ: جارێك خەڵك دەهاتە لای ئیمامی عمر. لە ناكاو پیاوێك هات منداڵێكی لەسەر شانی دانابوو. ئیمامی عمر فەرموی:

هیچ قەلەڕەشێكم نەبینیوە ئەوەندە لە قەلەڕەش بچێ وەكو ئەم پیاوەو منداڵە لێك دەچن. كابرا ووتی: سوێند بەخوا ئەی أمیر المۆمنین ئەم منداڵە لە دایكی بووە بە مردوویی. ئیمامی عمر ووتی: هاوار بۆ تۆ چۆن شتی وا دەبێ؟! كابرا ووتی: جارێك لەگەڵا سریەیەكی غەزا ڕۆیشتم خێزانەكەم حەملی هەبوو پێم ووت: ئەوەی لەسكت دایە بە خوای دەسپێرم. كە هاتمەوە لەو سەفەرە هەواڵیان دامێ كە خێزانەكەم مردووە. شەوێك لە شەوان دانیشتبووم لە بەقیع، لەگەڵا كوڕەكانی مامم. بینیم ڕووناكییەك هەستا لە شوێنێ وەكو چرا. بە كوڕە مامەكانم ووت: ئەوە چی بوو؟! ووتیان نازانین بەڵام هەموو شەوێ ئەم ڕووناكیە دەبینین لەسەر گۆڕی فڵانە ئافرەتە. بە دوای ڕووناكیەكە كەوتم، بینیم گۆڕەكە شەقی بردووە، كە سەیری ناو گۆڕم كرد، منداڵەكە لەناو باوەشی دایكی بوو. یەكێ بانگی كردم. ووتی: ئەی ئەو كەسەی كە ئەمانەتەكەت بە خوا سپاردووە. ها بگرە ئەم ئەمانەتە، ئەگەر دایكەكەشت بە خوا سپاردبایە ئەویشمان بۆ دەپاراستی‌و بە دەستت دەگەیشتەوە. منیش منداڵەكەم هەڵگرت‌و گۆڕەكە یەكسەر خۆی لێك دایەوە