ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
رۆژوو گرتن...عيباده‌ت
نووسينى /ناصح ابراهيم سازانى ///رۆژوو یارمەتی دەرێكی باشە بۆ تەنگەبەركردنی دەمارەكان تا شەیتان نەتوانێت بە ئارەزووی خۆی گوزەریان پێدا بكات, یارمەتی دەرێكی چاكە بۆ سەركەوتن بەسەر حەزو ئارەزووەكاندا, پێغەمبەری خوا صلی الله علیە وسلم دەفەرموێت:
( إنَّ الشَّیطانَ یجری من بَنی ێ‌دَم مَجری الدَم فَضیقُوا مَجاڕبَهُ بِالجوع والعَطش) . واتە: بێگومان شەیتان بەناو دەمارەكانی خوێندا هات و چۆ دەكات, ئێوەش رێگای لێ تەنگەبەركەن بەبرسێتی و تینوێتی.هەروەها دەفەرموێت: (الصیام جُنە من النّار كجُنَە أَحَدِكُم مِنَ القِتال) . واتە: رۆژوو وەك قەڵغان و سپەر وایە بۆ پاراستنی موسڵمان لە تاوان و سەرپێچی, هەروەك چۆن یەكێك لەئێوە لە جەنگدا قەڵغان و سپەر ئەبێتە هۆی پاراستنی!.
- (الصیام جُنە وهو حصن من حصون المۆمن) . واتە: رۆژوو قەڵایەكی قایم و پتەوە بۆ ئیمانداران تا لە هێرش و پەلاماری شەیتان خۆیان بپارێزن. رۆژووگرتن مرۆڤ فێری سوپاسگوزاری خوای گەورە دەكات, لە كاتێكدا بەهۆی نازو نیعمەت و گوزەرانی خۆشەوە لێی بێئاگا بووە, بەڵام كاتێك برسێتی و تینوێتی چەشت ئەو كاتە قەدری تێری دەزانێت و بیری ئەكەوێتەوەو سوپاس وستایشی پەروەردگاری لەسەر دەكات.. بەڵێ مرۆڤ تا تاڵی نەچێژێت و بێزاری نەكات هەست بە لەزەت و خۆشیی شیرنی ناكات, نرخی رووناكی لە تاریكیدا دەزانرێت, مرۆڤەكانیش تا برسیان نەبێت بەتایبەتی دەوڵەمەندەكان نرخی قەراغە نانێكی رەق نازانن..