ماڵپەری قورئانی پیرۆز

  حەجكردن ئەو سەفەرە تاقانەیە كە موسڵمانان بەدڵ و بەگیان و بەماڵ ساڵانە لە هەموو گۆشەیەكی ئەم دنیاوە بۆی دەڕۆن, بۆ ئەو وڵاتە ئارامەی ماڵی خوای تێدایە, كە كەعبەی پیرۆزە لە مەككە, ئەو كەعبەیەی بەلای كەمەوە موسڵمانان لە شەوو رۆژێكدا پێنج جار رووی تێدەكەن لەسەر تاسەری جیهاندا, یەكەم ماڵە لەسەر زەویدا عیبادەت و بەندایەتی تێدا كراوە, مەككە رووناكی و هیدایەتە بۆ خەڵك, ئیبراهیم باوكە گەورەی پێغەمبەران و ئیسماعیلی كوڕی سڵاوی خوایان لەسەر بێ دروستیانكرد بەفەرمانی خوای گەوررە: 

{إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ (96) فِيهِ آيَاتٌ بَيِّنَاتٌ مَقَامُ إِبْرَاهِيمَ وَمَنْ دَخَلَهُ كَانَ آمِنًا وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ (97) قُلْ يَا أَهْلَ الْكِتَابِ لِمَ تَكْفُرُونَ بِآيَاتِ اللَّهِ وَاللَّهُ شَهِيدٌ عَلَى مَا تَعْمَلُونَ (98)} [آل عمران ]

    ئەو جێگا پیرۆزەی شوێنی خواپەرستی ئیبراهیم بووە, خوای گەورە پیرۆزو شەرەفداری كردووە, ئەوەی بچێتە ناوی دڵنیاو ئارام وئاسوودە دەبێت لەهەموو زوڵم وستەمێك, خوای گەورە بڕیاری داوە ئەوانەی توانای ماڵی و جەستەییان هەیەو ترسی رێگایان نیە سەردانی بكەن. 

  * ئەبو هورەیرە رەزای خوای لێ بێ فەرمووی: پێغەمبەری خوا صلی الله علیە وسلم وتاری بۆ داین و فەرمووی: (أیُّهَا النَّاسُ، قَدْ فَرَچَ اللهُ عَڵیْكُم الحَجَّ فَحُجُّوا) . واتە: ئەی خەڵكینە! خوای گەورە حەجی لەسەر فەرز كردوون ئەگەر تواناتان هەبوو دە ئێوەش حەج بكەن.