ماڵپەری قورئانی پیرۆز

سزاى زینا له‌ کتێبه‌که‌ى ئێوه‌دا وه‌هایه‌ ؟ کابراش وتى : نه‌ وه‌ڵلا وانیه‌ ، خۆ ئه‌گه‌ر ئه‌و سوێندانه‌ت نه‌دامایه‌ ئه‌وا پێم ڕانه‌ده‌گه‌یاندیت ، سزاى زینا له‌ کتێبه‌که‌ى ئێمه‌دا به‌رده‌باران بوو، به‌ڵام له‌نێو که‌سانى ڕێزدار و به‌ناوبانگماندا بڵاوبویه‌وه‌ ، ئێمه‌ش هه‌رکات یه‌کێکى ناودار له‌نێوماندا زیناى بکردایه‌ وازمان لێ ده‌هێنا ، خۆئه‌گه‌ر لاواز و بى پشت کارى وه‌هاى لێ بوه‌شایه‌ته‌وه‌ سزاى خوامان به‌سه‌را داده‌باراند ، ئینجا وتمان : باکارێکى وابکه‌ین به‌سه‌ر ناودار و لاوازه‌کاندا جێ به‌جێى بکه‌ین ، ئینجا هه‌موو ڕێکه‌وتین له‌سه‌ر ڕووڕه‌ش کردن و لێدان (جةلد) ،  پێغه‌مبه‌رى خواش(د.خ) فه‌رمووى : په‌روه‌ردگارا من یه‌که‌م که‌سم فه‌رمانى تۆم زیندوکردۆته‌وه‌ له‌کاتێکدا ئه‌وان مراندویانه‌ ، په‌روه‌ردگاریش ئایه‌تى : { يَا أَيُّهَا الرَّسُولُ لاَ يَحْزُنكَ الَّذِينَ يُسَاڕعُونَ فِي الْكُفْڕ } تا {إِنْ أُوتِيتُمْ هَـذَا فَخُذُوهُ } ى دابه‌زاند. گوته‌ى جووله‌که‌کانیش له‌نێو خۆیاندا ئه‌وه‌ بوو : بچن بۆ لاى (محمد) (د.خ) ئه‌گه‌ر فه‌تواى به‌ڕوو ڕه‌ش کردن و لێدان ى بۆ دان ئه‌وا به‌قسه‌ى بکه‌ن و جێ به‌جێ ى بکه‌ن خۆ ئه‌گه‌ر فه‌تواکه‌ى به‌رده‌باران بوو ئه‌وا خۆتانى لێ بپارێزن ، پاشان ئایه‌ته‌که‌ هه‌تا : { وَمَن لَّمْ يَحْكُم بِمَا أنزَلَ اللّهُ فَأُوْلَـئِكَ هُمُ الظَّالِمُونَ } دابه‌زى ، (حميدى) له‌ (مسند)ه‌ که‌یدا له‌ (جابر)ى کوڕى (عبدالله)وه‌ ده‌گێڕته‌وه‌ ، ده‌ڵێت : یه‌کێک له‌ پیاوانى (فدك) زیناى کردوو خه‌ڵکى (فدك) یش نامه‌یه‌کیات نووسى بۆ جووله‌که‌کان له‌شارى (مةدينة) هه‌تا سه‌باره‌ت به‌ گوناهى ئه‌و پیاوه‌ پرسیاریان له‌ (محمد) (د.خ) بۆ بکه‌ن ، خۆئه‌گه‌ر هاتوو (محمد) (د.خ) فه‌رمانى لێدان (جلد) ى دا ئه‌وا لێى وه‌ربگرن ، ئه‌گه‌ر فه‌رمانه‌که‌شى به‌رده‌باران بوو ئه‌وا لێى وه‌رمه‌گرن ، پێغه‌مبه‌رى خواش(د.خ) کاتێک پرسیاریان لێ کرد فه‌رمانى به‌رده‌بارانى داو ئینجا ئایه‌تى : { فَإِن جَآؤُوكَ فَاحْكُم بَيْنَهُم } دابه‌زى.