ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ده‌زانن چى به‌سود و ته‌ندروسته بۆ ڕه‌مه‌زان..؟
به‌هره عبدالله حمه‌تۆفیق....رۆژنامه‌ى یه‌کگرتوو....ڕۆژوو گرتن ئه‌گه‌ر به‌شێوه‌یه‌کى ته‌ندروست و ڕێکوپێک و به به‌رنامه نه‌بێت ئه‌وا زیان به ته‌ندروستیمان ده‌گه‌یه‌نێت،
• به‌ربانگ به خورما بکه‌نه‌وه له‌به‌ر ئه‌وه‌ى شه‌کره‌که‌ى سروشتییه.
• پاشان شۆربا بخۆن, چونکه شۆربا ده‌بێته هۆى نه‌رمبوونه‌وه و که‌وتنه کارى گه‌ده و ڕیخۆڵه‌کان ورده ورده، ئاوى سارد مه‌خۆنه‌وه چونکه گه‌ده تیکده‌دات .
• سفره‌ى ڕه‌مه‌زان ده‌بێت میوه و شه‌ربه‌تى به‌سود و سه‌وزه‌وات و شۆرباى له‌سه‌ر بێت, دووربه‌ونه‌وه له خواردنه سوره‌وه‌کراوه‌مان و چه‌وریى .
• خواردنى شوتى و خه‌یار و زه‌لآته، هۆکارێکن بۆ تێکنه‌چوونى گه‌ده .
• پارشێو کردن زۆر گرنگه, چونکه دورتده‌خاته‌وه له ته‌مبه‌ڵى و نه‌مانى ته‌رکیز و ده‌مارگیرى و سه‌رئێشه و تێکچونى بارى ده‌روونى، له‌به‌ر ئه‌وه ده‌بێت له پارشێودا خواردنى هاوسه‌نگ بخورێت, نابێت خواردنى چه‌ور و قورس بخورێت, به‌ڵکو ده‌بێت خواردنى سوک بخورێت وه‌ک شوتى و ئه‌و خواردنانه‌ى که ڕیشاڵیان تێدایه وه‌ک میوه، نابێت خورادنه‌وه گازیه‌کان بخورێته‌وه, چونکه هۆکارن بۆ تینوێتی.
• خۆراکه نیشاسته‌کانى وه‌ک گه‌نم و جۆ و نیسک ، ووزه به له‌ش ده‌به‌خشن له‌کاتى ڕۆژوو گرتندا، بۆ پارشێو و به‌ربانگ.
• خۆراکه ڕیشاڵه‌کانى وه‌ک په‌تاته و میوه و سه‌وزه‌کان به‌گشتى و گه‌نم و دانه‌وێڵه‌کان وا له له‌ش ده‌که‌ن بۆ ماوه‌یه‌کى زۆر به تێرى بمێنێته‌وه .
• دووربکه‌ونه‌وه له خۆراکه‌کانى وه‌ک شیرینى و پاقلاوه و خۆراکه سوره‌وه‌کراوه‌کان و خۆراکه ده‌وڵه‌مه‌نده‌کان به ڕۆن و چکولاته.