ماڵپەری قورئانی پیرۆز

وه‌رگێڕانى : بورهان محمد امین...ئه‌ندازیار عوسمان....ئاماده‌کردنی : سامان خدر......سوره‌تى(آل عمران) له‌مه‌دینه‌و دواى سوره‌تى(الانفال) دابه‌زیوه‌و ژماره‌ى ئایه‌ته‌کانى (200) ئایه‌ته‌،ئه‌م سوره‌ته‌ وه‌کو ده‌سته‌ خوشکى سوره‌تى(البقرة)وایه‌و حه‌زره‌ت (صلىالله عليه وسلم) به‌یه‌که‌وه‌ ناوى ناون (الزهراوين) و زۆر له‌یه‌ک ده‌چن هه‌ردوکیان به‌(الم) ده‌ستى پێکردووه‌ و به‌نزا و پاڕانه‌وه‌ کۆتاییان هاتووه‌ .
له‌ (الفاتحة)دا( اهدِنَــــا الصِّرَاطَ المُستَقِيمَ )(الفاتحة : 6) داو له‌ البقره‌ دا (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا (البقرة : 286)).له‌ (آل عمران) دا(رَّبَّنَا إِنَّنَا سَمِعْنَا مُنَادِياً يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَاڕ) (آل عمران : 193)ئه‌م ئایه‌تانه‌ش هاتون دوعاو نزان،ئاماژه‌یه‌ بۆ گرنگى دوعاو نزاو پاڕانه‌وه‌ تا له‌هه‌موکاتێک بڕوادار په‌ناى بۆ ببات .
هه‌ندێ له‌زانایان ده‌ڵێن: که‌ خواى گه‌وره‌ به‌هێنانه‌وه‌ى ئه‌م پیتانه‌ له‌سه‌رتاى هه‌ندێک سوره‌تدا خه‌ڵکى ئه‌م سه‌رده‌مه‌و هه‌مو سه‌رده‌مه‌کان تێ بگه‌یه‌نن که‌قورئان له‌م پیتانه‌ پێک هاتووه‌ ، ده‌ئێوه‌ش وێنه‌یه‌کى وه‌ک ئه‌و،ته‌نانه‌ت ده‌توانن سوڕه‌تێکى کورت ده‌توانن داڕێژن؟
له‌حاله‌تێکدا ئه‌م قورئانه‌ به‌م شێوه‌یه‌ رۆح و گیانه‌ بۆ دڵ و ده‌رونه‌ مردوه‌کان و داڕشتن و نوسینێکى بێ گیان نیه‌ (وَكَذَلِكَ أَوْحَيْنَا إِلَيْكَ رُوحاً مِّنْ أَمْڕنَا)(الشورى : 52).