ماڵپەری قورئانی پیرۆز

كابرایەكی ئەعرابی هات ووتی: ئەم قوماشەم بە دڵە. لێی كڕی بردی بۆ ماڵەوە. لەسەر دەستی دانا بوو، یونسی كوڕی عبید قوماشەكەی خۆی ناسیەوە لە دەستی كابرا. ووتی: ئەمەت بەچەند كڕیووە؟ ووتی: بە چوار سەد درهەم. یونس ووتی: لە دوو سەد درهەم زیاتر ناكات بڕۆ بۆ خاوەنەكەی بەرەوە. كابرا ووتی: لە شاری ئێمە بە پێنج سەد درهەمە ئێستا من ڕازیمە پێی. یونس ووتی: ئامۆژگاری لە دین، باشترە لە دنیاو ئەوەی لە نێو دنیایە. ئینجا لەگەڵا خۆی بردەوە بۆ دوكانی خۆی. ووتی: ئەمە دوكانی منە، ئەم پارچەیەش بە دوو سەد درهەمە ئەمەشیان بە چوار سەد درهەمە. كابرای ئەعرابی كە ئەمەی بینی دڵی خۆش بوو. یونس دوو سەد درهەمەكەی دایەوە، وە شاگردەكەشی سەرزەنشت كرد‌و پێی ووت: ئایا شەرمت لە خوا نەكرد؟ ئایا لە خوا نەترسای، قازانج دەكەیت بە قەد سەرمایەكەی خۆی، بەڵام ئامۆژگاری موسڵمانان ناكەیت. شاگردەكەی ووتی: سوێند بە خوا بە خۆی ڕازی بوو بە ڕەزامەندی خۆی برد. یونس ووتی: بۆچی ئەوەی بۆ خۆت پێی ڕازی بوویت بۆ ئەویش ڕازی نەبوویت( ).