ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌م جۆره منداڵه‌که‌ت ده‌بێته سه‌رکرده:نۆ تایبه‌تمه‌ندی بۆ ئاراسته‌کردنى پرسیار له بری پێدانی وه‌لآمه‌کان
نوسینى:د.مسته‌فا ئه‌بو سه‌عد...وه‌رگێڕانى : خالید محه‌مه‌د.... بیهێنه پێش چاوی خۆت، ده‌بێ چی فێری منداڵه‌که‌ت بکه‌یت کاتێک پرسیارێکى ڕووبه‌ڕووبکه‌یته‌وه وه‌ک: (حةز دةكةي هاوڕيَكةت ضؤن مامةلَةت لةطةلَدا بكات؟) یان (ضؤن ئةمةت تاقيكردؤتةوة؟) یان (دةتواني ضي تريش بكةيت؟) یان (ضي ڕوودةدات طةر ئةوةت بكرداية؟) یان (هةست و شعورت ضؤن دةبوو طةر ئةو شتة ڕووي بداية؟) ئه‌مه به‌راوردبکه له‌گه‌ڵ ئه‌وه‌ی که تۆ ته‌نها وه‌لآمت بدایه‌ته‌وه به‌وه‌ی (لةبيري كةو تةواو ) یان (بڕؤ لةطةلَ كةسيَكي تر ياريبكة) ڕاسته چاره‌سه‌ره‌که له‌به‌ر ده‌ستدایه، به‌لآم سودێکی گه‌وره هه‌یه له‌وه‌ی منداڵه‌که‌ت والێبکه‌ی لێکۆڵینه‌وه‌بکات له کێشه‌که و هه‌موو ره‌هه‌نده‌کانى لێکبداته‌وه له‌گه‌ڵ بوونی تۆ له په‌نایدا وه‌ک ڕێنیشانده‌ر و پاڵنه‌ر و هانده‌ر.
١- پرسیار هاوکاری ده‌رخستنی هه‌موولایه‌نه‌کانی کێشه‌که ده‌کات.
٢- پرسیار هاوکاری منداڵه‌که‌ت ده‌کات له‌سه‌ر ناسینى هه‌ڵبژارده‌کانی به‌رده‌ستی.
٣- پرسیار هاوکاری منداڵه‌که‌ت ده‌کات له ناسینی ئامانج و که‌ره‌سته‌کانى.
٤- پرسیار کارده‌کات له‌سه‌ر پوخته‌کردنی چاره‌سه‌ره‌کان له وه‌لآمه‌کانی منداڵه‌که‌ت.
٥- پرسیارکردن وا له منداڵ ده‌کات متمانه‌ی به توانای به‌رامبه‌ر به چاره‌سه‌ری کێشه‌کان هه‌بێت.
٦- پرسیار به‌رپرسیارێتی دۆزینه‌وه‌ی وه‌لآمی گونجاو ده‌خاته ئه‌ستۆى منداڵه‌که‌ت .
٧- پرسیار وات لێده‌کات بتوانی هاوکاری منداڵه‌که‌ت بکه‌یت له‌سه‌ر چاوه‌ڕوانکردنی ده‌ره‌نجامی چاوه‌ڕوانکراو بۆ هه‌ڵبژارده جیاوازه‌کان، ئه‌مه‌ش وای لێده‌کات فێربێ چۆن هه‌ڵبژارده به‌رده‌سته‌کان هه‌ڵسه‌نگێنێ.
٨- پرسیار کارده‌کات له‌سه‌ر ئه‌وه‌ی منداڵه‌که‌ت فێربێ پشت به‌خۆی ببه‌ستێ و متمانه‌ی به‌تواناکانی خۆی هه‌بێت بۆ چاره‌سه‌ری کێشه‌کان.
٩- کاری ئاراسته‌کردنى پرسیار خۆی بۆ خۆی وات لێده‌کات ببیته کاراکته‌رى هاوکار یان ڕێنیشانده‌ر به پێچه‌وانه‌ی وه‌لآمدانه‌وه، که‌تێیدا تۆ وه‌ک ڕزگارکه‌رێک ده‌رده‌که‌وی، ئه‌مه‌ش هاوکاری ده‌کات کاتێک که‌سێکی گه‌وره‌ی له پاڵدا نه‌بوو خۆی چۆن کاری خۆی جێبه‌جێ بکات.
زانایانی ده‌رونناس ده‌ڵێن: ئه‌گه‌ر منداڵ ده‌رباره‌ی (جنس) پرسیاری لێکردی ، باسه‌که مه‌گۆڕه، وه‌ک زۆرێک له دایکان و باوکان وا ده‌که‌ن، به‌ڵکو ئه‌و هه‌له بقۆزه‌ره‌وه بۆ گفتوگۆکردن له‌سه‌ر باسه‌که و ڕوونکردنه‌وه‌ی سه‌رجه‌م ئه‌و زانیارییه هه‌لآنه‌ی که منداڵ وه‌ریگرتوه.
زۆر گرنگه وه‌لآمی سه‌رجه‌م ئه‌و پرسیارانه بده‌یته‌وه که منداڵ ئاڕاسته‌ت ده‌کات، باشترین هۆکاریش بۆ ئه‌مه ئه‌وه‌یه که بۆچونی منداڵه‌که‌ت سه‌باره‌ت به‌و باسه بپرسى، پاش ئه‌وه‌ش وابکه وه‌لآمه‌که‌ت ڕاست و کورت و ساده‌بێت، هه‌ل بده به منداڵه‌که‌ت پرسیار بکات له‌کاتی وه‌لآمه‌که‌تدا پێش ئه‌وه‌ی وه‌لآمه‌که‌ت به‌ربلآو بێت، بێزارمه‌به له‌وه‌ی که سه‌ری ئه‌و پڕه له پرسیار و بیرۆکه، ئه‌رکی تۆ ئه‌وه‌یه هاوکاری بکه‌ی له دانانی خاڵ بۆ پیته‌کان.
ئه‌و پرسیاره‌ش که ئێمه ئه‌مڕۆ له خۆمانی ده‌که‌ین ئه‌وه‌یه به‌رنامه‌ی دایک و باوک چیه بۆ په‌روه‌رده‌کردنی منداڵه‌کانیان له‌سه‌ر شێوازی پرسیارکردن؟ به‌رنامه‌ی قوتابخانه‌کان چیه که منداڵه‌کانمان فێری پرسیارکردن بکات؟ به‌ڵکو پێده‌چێ واقعه‌که پێچه‌وانه‌ی ئه‌مه بێت، دایکان و باوکان و مامۆستاکان بێزار ده‌بن ئه‌مه‌ش پێچه‌وانه‌ی تایبه‌تمه‌ندی پێشه‌وایه‌تییه، ئه‌گه‌ر ده‌مانه‌وێ ئوممه‌ته‌که‌مان هه‌ستێنینه‌وه و نه‌وه‌یه‌ک له زانایان دروستبکه‌ین، با منداڵه‌کانمان فێری پرسیارکردن و شێوازه‌کانی بکه‌ین که ئه‌وه یه‌که‌م هه‌نگاوه به‌ره‌و تایبه‌تمه‌ندی و پێشه‌وایه‌تی ژیاری و شارستانی.