ماڵپەری قورئانی پیرۆز

1- جۆرێكیان بە پێودانگی راستی‌و ناڕاستیی.

2- جۆرێكیان بە پێودانگی گونجانی لەگەڵا ئاینەكەمان یان نەگونجانی.

3- جۆرێكیان بە پێودانگی بابەتەكەی.

1- لە ڕووی ڕاستی‌و ناڕاستێتییانەوە بۆ دوو بەش دابەش دەكرێن:

(أ) راست (صحیح): وەك ئەو دەقانەی لەسەر بەراستگۆدانانی قورئان هاتوون كە دەربارەی سیفەتەكانی پێغەمبەری خودا محمدن  (صلى الله عليه‌ وسلم ).

لەمبارەیەوە خودای مەزن فەرموویە:{يَا أَيُّهَا النَّبِيُّ إِنَّا أَرْسَلْنَاكَ شَاهِدًا وَمُبَشِّرًا وَنَذِيرًا (45) وَدَاعِيًا إِلَى اللَّهِ بِإِذْنِهِ وَسِرَاجًا مُنِيرًا (46)} [الأحزاب]

واتە: (ئەی پێغەمبەر(ئەی محمد) ئێمە تۆمان وەك شاهید لەسەر ئەوانەی بۆیان رەوانەكراویت‌و، وەك مژدەپێ‌دەریان‌و ترسێنەریشیان، ناردووەو، وەك بانگەوازكارێكیش بۆ رێبازی خودا، كە هەر بەیارمەتی‌و ئاسانكاریی خوداش بانگەوازیان بكەیت‌و، وەك چرایەكی بەتین‌و ڕۆشنیش، كە تاریكییەكان دەڕەوێنێتەوە‌و ڕووناكی دادەهێنێت‌و رێنماییی خەڵكی دەكات).

ئەم سیفەتانە لە تەوراتیشدا هاتوون‌و ئەوانەی تەوراتیان دیوەو خوێندۆتەوە بە راشكاوی باسیان كردووە، لەم بارەیەوە (بخاری) لە (عگا‌و كوڕی یسار)ەوە ئەم وتە بەنرخەی گێڕاوەتەوە: ((ڵقِیتُ عَبْدَاللهِ بْنَ عَمْڕو بْنِ الْعَاصِ فَقُلْتُ أَخْبِرْنِی عَنْ صِفَەِ رَسُولِ اللهِ (صلى الله عليه‌ وسلم )فِی التَّوْرَاة. فَقَاڵ: أَجَلْ ۆاللَّهِ إِنَّهُ ڵمَوْصُوفٌ فِی التَّوْرَاەِ كَصِفَتِهِ فِی الْقُرْأنِ؛ ۆحِرْزًا لِلْأُمِّیِّینَ، ۆأَنْتَ عَبْدِی ۆرَسُولِی، إسمُكَ الْمُتَۆكِّڵ، ڵیسَ بِفَڤّ، ۆڵا غَلِیظ، ۆڵنْ ێقْبِچَهُ الله حَتَّی یُقِیمَ بِهِ الْمِلَّەَ الْعَوْجَا‌وَ، بِأَنْ ێقُول: لا إِڵهَ إِلاَّ اللهُ. ۆێفْتَحَ اللَّهُ بِهَا قُلُوبًا غُلْفًا، ۆأذانًا صُمًّا، ۆأَعْیُنًا عُمْیًا.. قَاڵ عَطا‌ء: ڵقِیتُ كَعْبًا-كعب اڵاحبار- فَسَأَلْتُهُ عن ژلك فَمَا اخْتَڵفَ حَرْفاً))( ). واتە: (بەدیداری (عبدالله كوڕی عەمر) گەیشتم‌و پێم گوت: باسی سیفەتی پێغەمبەری خودام  (صلى الله عليه‌ وسلم ) لە تەوراتدا بۆ بكە.. ئەویش گوتی: بەڵێ‌؛ دەسا بەخوا چۆن لە قورئاندا وەسف كراوە، ئاواش لە تەوراتدا وەسف كراوە، وەسفەكەش بەم شێوەیە بووە: (ئەی پێغەمبەر، ئێمە تۆمان بە شاهید‌و مژدەبەخش‌و ترسێنەری ئەوانەی بۆ لایان ڕەوانە دەكرێیت، ناردووە، هەروەها وەك پەناگەیەكی ڕووناك‌و پتەو بۆ بێ‌دەسەڵات‌و ڕێ‌ لێتێكچوان... تۆ بەندەی من‌و پێغەمبەری منیشت، ناوت (متوكل)ە‌و، توڕە‌و دڵڕەق نییت، خودا ئەو رووناكییە لانابات هەتا ئەو شەریعەتە خواركراوەی پێ‌ ڕاست‌و ڕاگیر دەكات تەنها ئاڵای-لا اله الا الله- دەچەسپێت‌و چەندان دڵی داخراو‌و چەندان گوێی كەڕ‌و چەندان چاوی نابینای پێ‌ دەكرێتەوە). 

(عگا‌و) گوتی: دوای ئەمە بە دیداری (كەعب)ی زانای جوولەكەكان گەیشتم‌و پرسیارم دەربارەی ئەو سیفەتە لێكچوانەی نێو قورئان‌و تەورات لێكرد‌و ئەویش لاریی لەسەر تاكە پیتێكیان نەبوو.

(ب) هەڵبەستراو (موچوع): وەك ئەفسانەی چیای (ق) كە بە ئیدعای درۆزنەكان وا هاتووە گوایە ئەم چیایە چواردەورەی ئاسمانەكان‌و زەوی گرتووە.