ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
لە دایكبوونی مرۆڤـ...اعجاز
ئاماده‌كردنى /سه‌روه‌ر حسن ///کتێبخانه‌ى ته‌فسیر...قورئانی پیرۆز لە چوارچێوەی بانگەوازی خەڵكیدا بۆ باوەڕهێنان، زۆرێك لە بابەتە جۆراوجۆرەكانی هێناوە. هەندێجار باسی ئاسمانەكانی كردووە و هەندێجاری تر ڕووەك و ئاژەڵەكان،
ئەوەش وەك بەڵگە لەسەر بوونی خوای میهرەبان.... هەروەك زۆر لە ئایەتەكان داوایان لە خەڵك كردووە بیر لە بەدیهێنان بكەنەوە، دەربارەی بەدیهێنانی مرۆڤ و ماهیەتی جەوهەری.
{نَحْنُ خَلَقْنَاكُمْ فَلَوْلَا تُصَدِّقُونَ (57) أَفَرَأَيْتُمْ مَا تُمْنُونَ (58) أَأَنْتُمْ تَخْلُقُونَهُ أَمْ نَحْنُ الْخَالِقُونَ (59)} [الواقعة] واتە: ئێمە دروستمان كردوون، بۆچی بڕوا ناكەن؟ جا پێم بڵێن ئەو مەنیەی لەجێی خۆیدا دایدەنێین؟ئایا ئێوە دروستی دەكەن یان ئێمە بەدیهێنەرین؟
ڕووەكانی ئیعجاز لە بەدیهێنانی مرۆڤدا، جگە لەم ئایەتە لە زۆر ئایەتی تریشدا باسكراون. لەو ئایەتانەدا زانیاری دوورودرێژی ئەوتۆ هەیە، كە ئەستەمە مرۆڤێك بیانزانێت لە سەدەی حەوتەمی زاینیدا ژیابێت، لەو زانیاریانە:
- مرۆڤ بە تەواوی لە مەنی بەدینەهێنراوە، بەڵكو لە بەشێكی مەنی.
- كۆرپەلە بە منداڵدانی دایكەوە لكاوە بە تەواوی وەك زەرو (علق) كە بە لاشەوە دەلكێت.
- كۆرپەلە لە ناو سێ ناوچەی تاریكی منداڵدا دروست دەبێت.
ئەو خەڵكەی لە سەردەمی دابەزینی قورئاندا ژیاون دڵنیابوون لەوەی ماددەی بنەڕەتی بەدیهێنان پەیوەندی هەیە بە شلەی مەنەویەوە كە لە نێرەوە لە كاتی كرداری زایەندیدا دەردەچێت، هەروەها ئەو ڕاستییەی كە منداڵ دوای (9 مانگ) لە دایك دەبێت ئاشكرایە و پێویست بە گەڕان و لێكۆڵینەوە ناكات، بەڵام ئەو زانیارییانەی ئایەتەكان باسی دەكەن زانیارییەكن كە زانست تا سەدەی بیستەم نەیدۆزیبوونەوە.