ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و سه‌رپێچیانه‌ى تایبه‌تن به شوێنى نوێژکردنه‌وه .. (١) رازاندنه‌وه‌ى مزگه‌وته‌کان:
وه‌رگێڕانى : ناصح ئیبراهیم سازانى / سوننه‌ت له دروستکردنى مزگه‌وته‌کاندا: میانه‌ڕه‌وى و زێده‌ڕۆیی نه‌کردنه. ئیبن عه‌باس ره‌زاى خوایان لێ بێ ده‌فه‌رموێت: (لَتُزَخْڕفُنَّهَا كَمَا زَخْرَفَتْ الْيَهُودُ وَالنَّصَارَى) . واته: به ته‌ئکید ئێوه ده‌یان رازێننه‌وه وه‌ک چۆن جوله‌که‌و گاوره‌کان رازاندیانه‌وه. له‌مه‌وه ئه‌وه‌مان بۆ ده‌رده‌که‌وێت که عیلله‌تى قه‌ده‌غه‌کردنى له‌به‌ر ئه‌وه‌یه
نه‌بێته هۆی فیتنه بۆ نوێژخوێنان و سه‌رقاڵ نه‌بن به سه‌یرکردنه‌وه و خشوعیان له‌ده‌ست نه‌چێت, عومه‌رى کوڕی خه‌تاب ره‌زاى خواى لێ بێ له‌کاتێکدا فه‌رمانى کرد به نۆژه‌ن کردنه‌وه‌ى مزگه‌وتى پێغه‌مبه‌ر صلى الله علیه وسلم فه‌رمووى: (أَكِنَّ النَّاسَ مِنْ الْمَطَڕ وَإِيَّاكَ أَنْ تُحَمِّرَ أَوْ تُصَفِّرَ فَتَفْتِنَ النَّاسَ) . واته: به‌هه‌ر شێوه‌یه‌ک بێت خه‌ڵک له‌باران بپارێزێت نه‌که‌ن سورو زه‌ردى بکه‌ن و خه‌ڵک بێ ئاگا بکه‌ن.
هه‌روه‌ها زه‌خره‌فه‌ى مزگه‌وته‌کان هۆکاری ریایی و شانازیکردنه, پێغه‌مبه‌رى خوا صلى الله علیه وسلم ده‌فه‌رموێت: (لَا تَقُومُ السَّاعَةُ حَتَّى يَتَبَاهَى النَّاسُ فِي الْمَسَاجِدِ) . واته: قیامه‌ت هه‌ڵناسێ تاکو خه‌ڵک گرنگیه‌کى زۆر ده‌ده‌ن به رازاندنه‌وه‌ى مزگه‌وته‌کان و شانازى پێوه ده‌که‌ن.