ماڵپەری قورئانی پیرۆز

نووسينى /سه‌ره‌وه‌ر حسن/ نووسينگه‌ى ته‌فسير///خوای مەزن دەفەرموێت:{فَلْيَنْظُڕ الْإِنْسَانُ إِلَى طَعَامِهِ (24) أَنَّا صَبَبْنَا الْمَاءَ صَبًّا (25) ثُمَّ شَقَقْنَا الْأَرْضَ شَقًّا (26) فَأَنْبَتْنَا فِيهَا حَبًّا (27) وَعِنَبًا وَقَضْبًا (28) وَزَيْتُونًا وَنَخْلًا (29) وَحَدَائِقَ غُلْبًا (30)

وَفَاكِهَةً وَأَبًّا (31) مَتَاعًا لَكُمْ وَلِأَنْعَامِكُمْ (32)} [عبس] واتە: دەبا مرۆڤ سەیری خواردنەكەی بكات و سەرنجی بدات و بیری لێ بكاتەوە.  بێگومان ئێمە ئاومان بۆ داباراندووەتە خوارەوە، چۆن دابارینێك؟ لەوەودوا زەویمان لەت لەت كرد بە چەكەرەی ناسكی ڕووەك، ئینجا دانەوێڵەمان تێدا ڕواند، هەروەها ترێ و سەوزە، زەیتون و دارخورمایش، باخچەی دەورەدراو بە دارخورما یان داری تر، یاخود باخی چڕوپڕ، چەندین جۆر میوە، لەگەڵ هەموو ئەو گژوگیایانەی كە خواكردە و ماڵات دەیخوات لە لەوەڕگاكاندا، (هەموو ئەمانەمان ئامادە كردووە) تا خۆتان و ماڵاتەكانتان سوودی لێوەربگرن.