ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئاى له‌و خۆشیه‌ى که مرۆڤ سه‌رفراز بێت وبۆ هه‌تا هه‌تا له به‌هه‌شتا بێت
ئه‌ندازيار عوسمان
ڕۆژێک خاتوو عائیشه‌ى دایکى بڕواداران , ئه‌م ئایه‌ته‌ى دووباره ده‌کرده‌وه‌و ده‌گریا (فَمَنَّ اللَّهُ عَلَيْنَا وَوَقَانَا عَذَابَ السَّمُومِ) (الطور27) واته : به‌هه‌شتیه‌کان ده‌ڵێن: خواى میهره‌بان چاکه‌ى له‌گه‌ڵ کردین و له‌سزاى دۆزه‌خى پڕئێش پاراستینى..
به‌ڕاستى چاکى تێگه‌یشتووه , ئاى له‌و خۆشیه‌ى که مرۆڤ سه‌رفراز بێت وبۆ هه‌تا هه‌تا له به‌هه‌شتا بێت . کێ له ئێمه دڵخۆش ناکات به ده‌سکه‌وتێکى دنیاى کاتى که‌چه‌ند ساڵێکه‌و ده‌بڕێته‌وه؟ ئه‌ى ده‌بێ خۆشى ئه‌وسه‌رفرازى وده‌ستکه‌وته یه‌کجارىیه چۆن بێت ؟؟ دیاره خاتوو عائیشه‌ى دایکمان , ئاواتێتى وخۆزگه‌ی پێده‌خوازێ وهۆن هۆن فرمێسکى بۆ ده‌ڕێژێ..
به‌ڕاستى هه‌روایه, هه‌رچى له‌دۆزه‌خ ترازاو سزا نه‌درا سه‌رفرازه, سه‌رکه‌وتووه , خواپێداوه(كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّاڕ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُوڕ) (آل عمران:185) واته/ هه‌موو که‌سێک ده‌بێت مردن بچێژێت , ڕۆژى قیامه‌ت به‌ته‌واوى پاداشتى کرده‌وه‌کانتان وه‌رده‌گرن , ئه‌و کاته‌ى ئه‌وه‌ى له دۆزه‌خ ترازاو ڕزگارى بوو, خرایه به‌هه‌شته‌وه , ئه‌وه به‌ڕاستى سه‌رفرازه و ژیانى دنیاش بێجگه له‌وه‌ى که خۆشىو ڕابواردنێکى خه‌ڵه‌تێنه‌ره هیچى تر نى یه !