ماڵپەری قورئانی پیرۆز

   پێغەمبەری خوا صلی الله علیە وسلم كە قودوەو پێشەنگی هەموو موسڵمانانە لە پێش ئەوەی پەیامی ئاسمانی بۆ بێت بەشداری لە كێشە كۆمەڵایەتیەكاندا كردووەو, ئەمین و دەست پاك و راستگۆ بووە لە گەڵیان, یارمەتی هەژارانی داوە, سەردانی خزمانی كردووە, بەڵێن و پەیمانی پاراستووە..                                                                                        

  * پێغەمبەری خوا صلی الله علیە وسلم دەفەرموێت: (الْمُۆْمِنُ الَّژِی یُخَالِگُ النَّاسَ ۆێصْبِرُ عَڵی أَژَاهُمْ أَفْچَلُ مِنَ الْمُۆْمِنِ الَّژِی ڵا یُخَالِگُ النَّاسَ ۆڵا ێصْبِرُ عَڵی أَژَاهُمْ) . واتە: ئەو ئیماندارەی تێكەڵی خەڵك ئەكات و خۆراگرە لەسەر ئازارو مەینەتیەكانیان چاكترە لەو ئیماندارەی تێكەڵییان ناكات و ئارام ناگرێت لەسەر ئازارەكانیان.                                                                                                                            

   بۆیە پێویستە لەسەر موسڵمان تێكەڵی كۆمەڵانی خەڵك بكات تا لە نزیكەوە ئاگاداری هەموو گیر و گرفتەكانیان بێت, راستگۆ بێت لەگەڵیان, فریویان نەدات, فێڵیان لێنەكات, ئیرەییان پێنەبات, بەڵێن و پەیمان بپارێزێت لە گەڵیان, ئازاریان نەدات, دزییان لێنەكات, وتەی ناشیرین نەڵێت بەرامبەریان, لە پشتەوە باسیان نەكات, دووزمانی نەكات لە نێوانیاندا, بەكەم سەیریان نەكات, خۆی هەڵنەكێشێت بەسەریاندا, گاڵتەیان پێنەكات, زوڵم و ستەمیان لێنەكات, قسەیان پێ نەبڕێت, بە بێ پرس خۆی نەكات بە ماڵیاندا, سڵاویان لێبكات, بە بەزەیی بێت بەرامبەریان, رووی خۆشبێت لەگەڵیان, لێبوردە و نەرم و نیان بێت, رێز لە گەورەیان بگرێت, سۆزو بەزەیی هەبێت بەرامبەر بچوكیان, چاكەی بوێت بۆیان, رێكیان بخات, ئامۆژگاری چاكیان بكات, سەردانی نەخۆشیان بكات, شوێن تەرمیان بكەوێ, بەشداری خۆشی و ناخۆشیان بكات, دادپەروەر بێت لە گەڵیان, شەرەف و ناموسیان بپارێزێ, فەرمانیان پێبكات بە چاكە, خراپەو تاوانیان لێ قەدەغە بكات.                                                                         

   پێویستە هەموومان باوەڕمان وابێ كە شەریعەتی خوای گەورە بۆ خێرو بەرژەوەندی دنیاو قیامەتی مرۆڤەكان هاتووە, خێرو چاكەیە بۆ تاك و كۆمەڵ: ﭽ ﮐ  ﮑ  ﮒ         ﮓ  ﮔ   ﭼ اڵانبیا‌و: ١٠٧. واتە: هەر بۆیە تۆمان نارد كە رەحمەت و بەزەیی و میهرەبانیەك بیت بۆ هەموو جیهانیان, تا دەستی تەواوی خەڵك بەرەو هیدایەت و رێگەی بەختیاری بگرێ‌.