ماڵپەری قورئانی پیرۆز

نووسينى/هارون نوح طه‌/كتێبخانه‌ى محوى///بانگ دەرێك هەبو لە (مصر) نیشانەی پیاو چاكی‌و دینداری پێوە دیار بوو. ڕۆژێك بەسەر منارە كەوت بۆ ئەوەی بانگ بدات ئافرەتێكی گاوری بینی لەسەر منارەكە سەیری كردو پێی ئیغرابوو.

دڵی پڕ بوو لە خۆشەویستی ئەو ئافرەتە. چووە لای بەڵام وەڵامی نەدایەوە چوونكە گومانی لێی كرد. دەبێ بۆچی ئەم پیاوە بێتە لام، پیاوەكە ووتی: دەمەوێ مارەت ببڕم ئافرەتەكە ووتی: لەبەر ئەوەی كە تۆ موسلمانی منیش نەسرانیم (گاور) باوكم ڕازی نابێ. پیاوەكە ووتی منیش دەبمە گاور. ئافرەتەكە ووتی ئێستا باوكم ڕازی دەبێی‌و وەڵامت دەداتەوە. پیاوەكە بوو بە گاور پەنا بەخوا. بڕیار بوو سەردانی ئافرەتەكە بكات. هەر لەو ڕۆژەدا سەر بانێك كەوت بۆ كارو پێداویستی خۆی. قاچەكانی تووشی خلیسكان بوون‌و كەوتە خوارێ یەكسەر مرد. نەچووە لای ئافرەتەكەو وازیشی لە ئایینی خۆی هێنا پەنا بەخوا لەم ئاخیر شەڕە( ).