ماڵپەری قورئانی پیرۆز

نووسينى /هارون طه‌/كتێبخانه‌ى محوى///أبو هریرە دەفەرموێ: پێغەمبەر (درودی خوای لەسەر بێت) دەفەرموێ: جورەیج پیاوێكی خوا پەرست بوو. پەرستگایەكی بۆخۆی دروست كردو تێیدا خوا پەرستی دەكرد.

ڕۆژێك دایكی هاتە لای كە خەریكی نوێژ كردن بوو ووتی: ئەی جورەیج وەڵامی نەدایەوە ووتی: خوایە ئەوە دایكمە وا لە ناو نوێژم بۆیە ڕوی كردە نوێژەكەی‌و دایكیشی ڕۆیشت. بۆ بەیانی دایكی بەهەمانشێوە هاتەوە بانگی كرد ووتی: ئەی جورەیج، ووتی خوایە ئەوە دایكمە ئەوەش نوێژمە نازانم وەڵامی كامیان بدەمەوە وەكامیان گەورەترە ڕوی كردە نوێژەكەو دایكیشی ڕۆیشت. بۆ ڕۆژی پاشتر دیسان دایكی هاتەوە جورەیج خەریكی نوێژ كردن بوو. ووتی: ئەی جورەیج ووتی خوایە ئەوە دایكمە ئەوەش نوێژەكەمە، وەڵامی نەدایەوەسەرقاڵی نوێژەكەی بوو. (دایكی دڵی شكا كە بۆ كە بۆ جاری سێیەم وەڵامی نەدایەوەبەدڵی شكاوی دەگەڕایەوە) بۆیە ووتی: ئەی خوایە، گیانی جورەیج دەرنەچێ تاكو چاوی بە ئافرەتانی داوێن پیس نەكەوێ. بەنی إسڕئیل بەخەیاڵیان داهات‌و بیریان لە خوا پەرستی جورەیج كردەوە. ووتیان وای لێ دەكەین كە پشت لەم خوا پەرستیە بكات. ئافرەتێكی داوێن پیس هەبوو كە زۆر خۆی بەجوانی نیشانی خەڵك دەدا. ووتی: ئەگەر حەز دەكەن من بۆتان دەگۆڕم‌و وای لێ دەكەم كە پشت لەم خوا پەرستیە بكات هەستا خۆی بۆ ڕازاندەوەو خۆی بۆ ئامادە كرد. چووە لای بەڵام وەڵامی نەدایەوە ئافرەتەكە چووە لای شوانیك كە سەردانی پەرستگای جورەیجی دەكرد. خۆی تەسلیم بە شوانەكە كرد شوانەكەش زینای لەگەڵ كرد. ئەم ئافرەتە سكی بوو لەم شوانە. كاتێ كە سكی دانا. ووتی: ئەم منداڵە لە جورەیجی خواپەرستە. چوونە لای لە پەرستگا هێنایانە دەرێ لێیان دا. وە هەروها پەرستگاكەیان لێ تێك دا.