ماڵپەری قورئانی پیرۆز

له‌ مه‌ککه‌ دابه‌زیوه‌و سێ ئایه‌ته‌....نوسینى...(د.عائض عبدالله القرنى)....وه‌رگێڕانى...نـه‌وا محمد سعید....نوسینگه‌ى ته‌فسیر
(بِسْمِ اللهِ الرَّحْمنِ الرَّحِيمِ )
به‌ناوى خواى به‌خشنده‌ى میهره‌بان

(وَالْعَصْڕ) [1]
سوێند به‌ ڕۆژگار، که‌ کاتێکه‌ بۆ ژیانى نه‌وه‌کان و، هه‌ڵسوڕانى کاره‌کان و، به‌جێ هێنانى ئیشه‌کان، که‌ ته‌مه‌نى دنیایه‌.

 (إِنَّ الْإِنسَانَ لَفِي خُسْرٍ )[ 2]
به‌ڕاستى ئاده‌میزاد، گه‌ر بڕواى به‌ خواى به‌ده‌سه‌لآت و له‌گوناه خۆشبوو نه‌بوو؛ ئه‌وا له‌ تیاچوون و ماڵوێرانى دایه‌، هه‌روا له‌و ڕۆژه‌ى واز له‌ئیمان دێنێ، له‌زیانمه‌ندی و له‌ که‌م و کورتى دایه‌.
إ(ِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْڕ )[ 3]  
ته‌نها ئه‌و که‌سه‌ نه‌بێ، که‌ بڕواى به‌ خوا هێنابێ و شوێنى پێغه‌مبه‌ره‌که‌ى که‌وتبآ و، کرده‌وه‌ى باشى ئه‌نجام دابێ و، بڕوادارانیش ئامۆژگارى یه‌کترى بکه‌ن به‌وحه‌ق و ڕاستیه‌ى، که‌ په‌یامى خوا هێناویه‌تى، ئه‌و حه‌قه‌ش بریتیه‌ له‌ تاعه‌ت و فه‌رمانبه‌ریی خوا، هه‌روا ئامۆژگارى یه‌کترى بکه‌ن به‌ ئارام گرتن له‌سه‌ر ئه‌و کارانه‌ى، که‌خوا فه‌رمانى پێکردوه‌و، واز هێنان له‌و کارانه‌ى، که‌ خوا هۆشدارى داوه‌، که‌ نه‌کرێ و، ڕازیبون به‌و به‌شه‌ى، که‌خوا بۆیداناوه‌، جا ئیمان بریتیه‌ له‌ بیرو باوه‌ڕ، کرده‌وه‌ى چاکیش توێشوه‌و، حه‌قیش خوازراوه‌، ئارام گرتنیش که‌رسته‌و تفاقه‌، جا که‌سێ هه‌موو ئه‌مانه‌ کۆبکاته‌وه‌؛ ئه‌وا ئه‌وکه‌سه‌ باشترین به‌نده‌یه‌ له‌ دنیاو په‌سلآندا.