ماڵپەری قورئانی پیرۆز

نوسینگه‌ى ته‌فسیر .. نوسینى : خالد محمد خالد ... وه‌رگێڕانى : سهام به‌رزنجى ../سه‌ره‌تاى خه‌باتى پیرۆز و پشتیوانى پایه‌بڵندى به‌رۆژى هیجره‌ت ده‌ست پێکرد، ئا له‌و رۆژه‌دا ده‌ستى له‌ هه‌موو ئه‌و سامان و زێڕه‌ هه‌ڵگرت که‌ له‌بازرگانیه‌ قازانجمه‌نده‌که‌ى ئه‌و هه‌موو سالآنه‌ى له‌ (مه‌ککه)‌ به‌سه‌رى بردبوو به‌ده‌ستى هێنابوو.. ده‌ست به‌ردارى هه‌موو ئه‌و سه‌روه‌ت و سامانه‌ بوو که‌ هه‌موو ده‌ستمایه‌که‌ى بوو، له‌ ساتێکدا وازى لێ هێنا که‌ شکۆمه‌ندییه‌که‌ى رێگه‌ به‌ دوودڵى و په‌شیمان بوونه‌وه‌ نه‌ده‌دا.ئه‌وه‌ بوو کاتێک پێغه‌مبه‌ر (درودى خواى له‌سه‌ربێت) ویستى کۆچ بکات، صوهه‌یب

به‌وه‌ى زانى، له‌ راستیدا ده‌بووئه‌و یه‌کێک بێت له‌م سیانه‌: (پێغه‌مبه‌ر و.. ئه‌بوبه‌کر و صوهه‌یب).به‌لآم قوڕه‌یشیه‌کان پیلانى خۆیان دانابوو بۆ رێگرتن له‌ کۆچى پێغه‌مبه‌ر (درودى خواى له‌سه‌ربێت) .(صوهه‌یب) که‌وته‌ ته‌ڵه‌کانیانه‌وه‌ و، ماوه‌یه‌ک له‌ کۆچکردن دوا که‌وت، له‌ کاتێکدا پێغه‌مبه‌ر (درودى خواى له‌سه‌ربێت) و هاوڵه‌که‌ى له‌سه‌ر به‌ره‌که‌تى خوا رێى خۆیان گرتبووه‌ به‌ر..(صوهه‌یب) گفتوگۆ و بگره‌وبه‌رده‌ى زۆرى کرد، تا توانى له‌ ده‌ستى ناحه‌زانى ده‌رباز بێت، چووه‌ سه‌ر حوشتره‌که‌ى و، به‌غاردان که‌وته‌ بڕینى بیابان..