ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
پلەو پایەی نوێژ...عيباده‌ت
نووسينى/ناصح ابراهيم سازانى//نووسينگه‌ى ته‌فسير///دینی پیرۆزی ئیسلام زۆر گرنگی داوە بە نوێژكردن, هەرەِشەی توندیش دەكات لەو كەسانەی فەرامۆشی دەكەن, نوێژ یەكێكە لە پایە گرنگەكانی ئیسلام لە دوای شایەتومان دێت,
كۆڵەكەی دینە، ستوون چۆنە بۆ دەوار نوێژیش ئاوایە بۆ دین. ئایا دەوار بەبێ كۆڵەكە رادەوەستێ؟!..گەورەترین فەرزی ئیسلامە, باشترین كردەوەیە, گەورەترین عیبادەتی جەستەییە, میعراجی موسڵمانە, كلیلی بەهەشتەو, یەكەم كردەوەیە لە قیامەتدا موحاسەبەو لێ پرسینەوەی لەسەر دەكرێت, خوای گەورە لە قورئاندا لە دوای ئیمان زیاد لە هەموو عیبادەتەكانی تر گرنگی پێداوە، ئەو رێزەی بۆ نوێژ دیاریكراوە نەدراوەتە هیچ پایەیەكی تری دین, هەروەها لە سوننەتەكانی پێغەمبەریشدا بە هەمان شێوە گرنگی پێ دراوە.. خوای گەورە دەفەرموێت:{فَإِذَا قَضَيْتُمُ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ فَإِذَا اطْمَأْنَنْتُمْ فَأَقِيمُوا الصَّلَاةَ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا (103)} [النساء]نوێژ گەورەترین فەرمانی خودایە، لە راستیدا چاك بوونی دەروونەكان لە چاككردنی عەقیدەو بەجێ هێنانی نوێژەكانەوە دەست پێ دەكات, چونكە نوێژ ئاوێنەی كردەوەكانی موسڵمانە..
* پیاوێك وتی بە سەلمان چ كردەوەیەك گەورەیە؟ فەرمووی: ئەی قورئانت نەخوێندوە كە دەفەرموێت:{اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَڕ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ (45)} [العنكبوت]
* پێغەمبەری خوا صلی الله علیە وسلم دەفەرموێت: (رَأسُ اڵامْر الإسْلامُ، ۆعَمُودُهُ الصَّڵاەُ..) . واتە: چڵە پۆپەی ئەم دیندارییە گەردنكەچی و گوێ رایەڵییە بۆ خوا و, ستونی راگرتنیشی نوێژ.
پێشەوا غەزالی دەڵێت: نوێژ پایەو كۆڵەكەی دینە, هەركەسێك بەچاكی ئەنجامیان بدات ئەوە دینەكەی راگیر كردووە, هەركەسێكیش تەركیان بكات ئەوە دیینەكەی رووخاوە.