ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
زەوی ئاست بەرز بۆ كشتوكاڵ باشترە...له‌قورئاندا
نووسينى/سه‌روه‌ر حسن/نووسينگه‌ى ته‌فسير///پەروەردگار دەفەرموێت:{وَمَثَلُ الَّذِينَ يُنْفِقُونَ أَمْوَالَهُمُ ابْتِغَاءَ مَرْضَاتِ اللَّهِ وَتَثْبِيتًا مِنْ أَنْفُسِهِمْ كَمَثَلِ جَنَّةٍ بِرَبْوَةٍ أَصَابَهَا وَابِلٌ فَآتَتْ أُكُلَهَا ضِعْفَيْنِ فَإِنْ لَمْ يُصِبْهَا وَابِلٌ فَطَلٌّ وَاللَّهُ بِمَا تَعْمَلُونَ بَصِيرٌ (265)} [البقرة]
واتە وەك باخچەیەك وایە، لە بەرزاییەكدا بێت و بارانێكی دڵۆپ گەورە بیگرێتەوە و ببێتەهۆی ئەوەی كە دوو بەرامبەر بەرهەمی هەبێت، خۆئەگەر بارانی دڵۆپ گەورەش نەیگرێتەوە، ئەوە نمەباران پاراوی دەكات.
ئەم ئایەتە ئاماژە بەوە دەدات زەوی بەرز باشترە بۆ كشتوكاڵ، ڕەنگە بەرهەمی ئەو زەوییە دوو هێندی ئەو بەرهەمە بێت كە زەوی نزم دەیدات.
زانستی كشتوكاڵیی نوێ سەلماندوویەتی هەرچەند ئاستی زەوی بەرز بێت، ئاستی ئاوی ژێر زەوی نزمتر دەبێت، هێندەش كشتوكاڵ و بەروبووم باشتر دەبێت. ئەوەش هاوتایی تەواو لە نێوان زانستی كشتوكاڵیی نوێ و قورئانی پیرۆزدا دووپات دەكاتەوە.
ئەگەر زەوی بەرز بەلێشاو و زۆر ئاودێری كرا ئەوا بەشی پێویستی خۆی وەردەگرێت و ئاوە زیادەكەش بەتەواوی بە زیاد دەڕوات، بەڵام ئەگەر هاتوو ئاودێرییەكی كەم كرا ئەوا پێویستی خۆی دەست دەكەوێت بێئەوەی ئاو بمێنێتەوە كە پێویست بە خۆ لێ ڕزگاركردن بكات. لەسەر ئەم بنەمایەیە مەسەلەكانی بەكارهێنانی ئاو بوونەتە جێی بایەخدان.
لەو ڕاستییە زانستییانەی ئایەتە پیرۆزەكە ئاماژەی پێداوە ئەوەیە كە هۆكاری ئاودێری ئەگەر ڕاستەوخۆ لە بارانەوە بوو، باشترە لە ئاودێری لە ڕووبار و دەریاكانەوە، چونكە لە كەشدا ئەو ڕەگەزە دەگمەنانە هەن كە لەگەڵ دڵۆپە باریوەكاندا دەتوێنەوە، ئەوەش دەبێتەهۆی كەوتنەخوارەوەی ڕاستەوخۆی ئەو ماددانە بۆ سەر ڕووەكەكان و وەرگرتنیان لە لایەن ڕووەكەكەوە، بەوەش گەشەكردنی دوو هێند دەبێت.