ماڵپەری قورئانی پیرۆز

له‌ سونه‌نى فه‌رمووده‌كانى ابوداودى ئه‌سه‌جه‌سستانى///عَنْ أَبِى هُرَيْرَةَ, قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:(الْوُضُوءُ مِمَّا أَنْضَجَتِ النَّارُ ).(صحيح)/واتە: لە ئەبو هورەیرەوە دەگێڕنەوە, كە وتویەتی

: پێغەمبەری خوا صلی الله علیە وسلم فەرموویەتی: دەستنوێژ بگرنەوە لەو خواردنەی كە بە ئاگر كوڵاوە.//عَنْ أَبِى سَلَمَةَ: أَنَّ أَبَا سُفْيَانَ بْنَ سَعِيدِ بْنِ الْمُغِيرَةِ حَدَّثَهُ: أَنَّهُ دَخَلَ عَلَى أُمِّ حَبِيبَةَ فَسَقَتْهُ قَدَحًا مِنْ سَوِيقٍ, فَدَعَا بِمَاءٍ فَتَمَضْمَضَ, فَقَالَتْ: يَا ابْنَ أُخْتِى أَلاَ تَوَضَّأُ؟ إِنَّ النَّبِىَّ صَلَّى اللَّهُ عَلَيْهِ وَسَلَّمَ, قَالَ: (تَوَضَّئُوا مِمَّا غَيَّرَتِ النَّارُ ). أَوْ قَالَ: مِمَّا مَسَّتِ النَّارُ.(صحيح)/واتە: لە ئەبو سەلەمەوە دەگێڕنەوە, كە ئەبا سوفیانی كوڕی سەعیدی كوڕی موغیرە بۆی گێڕاوەتەوە, كە چووە بۆ لای پوری ئوم حەبیبەی خێزانی پێغەمبەر صلی الله علیە وسلم ئەویش پەرداخێ (سَوِیق)ی بۆ هێناوەو لێی خواردووە كە خواردنێكە لە ئاردی گەنم یان جۆ دروست دەكرێت, داوای ئاوی كردووە لەدەمی راداوە, ئوم حەبیبەش وتویەتی: ئەی خوشكەزاكەم ئەوە بۆچی دەستنوێژ ناگریتەوە لە كاتێكدا كە پێغەمبەری خوا صلی الله علیە وسلم دەفەرموێت: (دەستنوێژ بگرنەوە لە خواردنی ئەو خواردەمەنیەی كە بە ئاگر پوختە كرابێت) یان فەرمووی: (دەستنوێژ بگرنەوە لەو خواردنەی كە ئاگری بەركەوتووە).