سەرەکیەکان

ئاماری ماڵپەر





ته‌فسیری ئاسان دابه‌زێنه‌


خوێندنەوەو تەفسیری قورئانی پیرۆز

- بۆ خویندنه‌وه‌ى قورئان و گوێ گرتن له‌ هه‌ر قورئانخوێنێک کلیک لێره‌ بکه
-  بۆ گوێ گرتن له‌ قورئان و خوێنه‌وه‌ى وبینینى ته‌فسیره‌که‌ى پێکه‌وه‌ به‌کوردى و زمانه‌ جیهانیه‌کان کلیک لێره‌ بکه

سەرەتا

هەنگاوەكانی چارەسەر لە قورئاندا

هەنگاوەكانی چارەسەر لە قورئاندا

نووسينى/عبدالدائم كحيل/وه‌رگير/ سه‌روه‌ر حسن///كتێبی پەروەردگار دەربارەی خەسڵەتەكانی ئەو بەهەشتە دواوە كە پەیمانی بە پارێزكاران پێدراوە

:{وَسَاڕعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ (133)} [آل عمران] واتە: بەپەلە بن و پێشبڕكێ‌ بكەن تا دەگەنە لێخۆشبوونی پەروەردگارتان و بەهەشتێك كە پانتاییەكەی ئاسمانەكان و زەوی گرتووەتەوە و بۆ پارێزكاران ئامادەكراوە. كامەیە سیفەتەكانی پارێزكاران؟ لە ئایەتەكەی دواتردا پەروەردگار دەفەرموێت:{الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ (134)} [آل عمران] واتە: ئەوانەی لە خۆشی و ناخۆشیدا، لە هەرزانی و گرانیدا ماڵ و سامانیان دەبەخشن، ڕق و كینەی خۆیان دەخۆنەوە و خۆگرن، لە خەڵكی خۆش دەبن و لێبوردەن، خوای میهرەبانیش چاكەكار و چاكەخوازانی خۆش دەوێت.

ئەم ئایەتە پیرۆزە سێ‌ ڕێوشوێنی كرداری لەخۆدەگرێت:

1. بەخشینی هەندێك لە ماڵ و سامان بە هەژاران: هەر ئەوەیە زانایان جەختی لەسەر دەكەنەوە كە جۆرێك لە سەقامگیری دەروونی بە مرۆڤ دەدات
2. مرۆڤ هەوڵبدات بە هەر شێوازێك بێت هەڵچوونەكانی خەفە بكات و ڕێیان پێنەدات بەڕووی ئەوانی تردا بتەقنەوە: ئەم ڕێسایەش مرۆڤ فێری جۆرێك لە ڕێكسازی خودی دەكات
3. ئایەتەكە ڕێوشوێنی كردەیی لەخۆدەگرێت لە لێبوردەیی بەرامبەر ئەوانی تر، هەرئەوەیە سەرجەم زانایانی ئەمڕۆ جەختی لەسەر دەكەنەوە كە لێبوردەیی باشترین هۆكاری ڕێكخستنی هەڵچوونەكانە
لە ئایەتی دواتری هەمان سورەتدا پەروەردگار دەفەرموێت:{وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ (135)} [آل عمران]، واتە: ئەوانەش كە تاوان یان گوناهێك ئەنجام دەدەن، یاخود ستەم لەخۆیان دەكەن، خوا دێتەوە یادیان، ئەوسا داوای لێخۆشبوون دەكەن، جا كێ‌ هەیە لە گوناهان خۆش ببێت جگە لە خوا؟! هەروەها لەسەر گوناه و تاوانیان بەردەوام نابن لەكاتێكدا دەزانن (ئەوە تاوانە).
ئەم ئایەتە پیرۆزەش سێ‌ ڕێوشوێنی كرداری لەخۆدەگرێت بۆ چارەسەری ستەم لەخۆكردن... هەموومان دەزانین كە هەڵچوون و پەلەكردن و هەڵەشەیی لە جۆرەكانی ستەمی مرۆڤن لە خودی خۆی، ئەو ڕێوشوێنانەش بریتین لە:
1. داننان بە تاواندا: كاتێك باوەڕدارێك خراپەیەك دەكات یان ستەم لە خۆی دەكات یاخود هەڵدەچێت یان لە هەڵسوكەوتێكدا پەلە دەكات، پێویستە ڕاستەوخۆ دەركی هەڵەكەی بكات و دانی پێدابنێت: ئەم ئایەتە جەخت دەكاتەوە لەسەر داننان بە هەڵەدا، چونكە داوای لێخۆشبوون لە خوای پەروەردگار تەنها لەدوای ئەوەیە كە باوەڕدار هەست بە هەڵەكەی دەكات. 
سەرجەم توێژەران دووپاتیدەكەنەوە كە داننان بە هەڵە لەبەردەم خۆدا ڕێگای شیفایە، بەڵام قورئانی پیرۆز فەرمانمان پێدەدا لەبەردەم خوادا دان بە هەڵە و تاوانەكانماندا بنێین!! ئەو زاتە بەتواناترینە بۆ شیفادانمان.
2. دڵنیایی لەوەی ئەم هەڵچوونە و ئەم هەڵەیە دەكرێت چارەسەر بكرێت.
زانایان جەخت دەكەنەوە كە متمانە و دڵنیایی نەخۆش بە شیفا، نیوەی شیفا دەنوێنێت، ئەگەر پتریش نەبێت. لێرە مانای وتەی پەروەردگار دەدرەوشێتەوە: ئەم وشانە متمانەیەكی گەورە بە مرۆڤ دەدەن دەربارەی ئیمكانیەتی لێخۆشبوونی تاوان، ئەو هەڵچوونەش دەكرێت دووبارە نەبێتەوە.
3. سەرجەم زانایانی پرۆگرامسازی زمانیانەی دەماری دووپاتی دەكەنەوە ڕێگای نموونەیی بۆ چارەسەری زۆر لە پەشێویە دەروونییەكان و هەڵچوونەكان، بوونی ئیرادەی پێویست و بەهێزە بۆ دووبارە نەكردنەوەی هەڵچوون و پێداگرنەبوون لەسەری... پرسیار لێرەدا ئەمەیە: ئایا ئەمە نییە كە ئایەتە پیرۆزەكە دەربارەی دەدوێت
هەموو مافەکانی پارێزراون بۆ ماڵپەری قورئانی پیرۆز