ماڵپەری قورئانی پیرۆز

بەڵام مندالەكە ووتی: بۆ دەترسی قورئان بفەوتێ تاكو من حیفزی بكەم‌و بیپارێزم؟ خوا بەخۆی پاراستوە. حجاج ووتی: (أفجمعتَ القران) واتە ئایا قورئانت كۆكردۆتەوە هەر مەبەستی لەبەر كردن بوو؟ منداڵەكە ووتی خۆ قورئان بڵاو نەبۆتەوە تاكو كۆی كەمەوە. حجاج ووتی: (أفأَحطمتَ القرانَ) ئایا قورئانت ڕێك‌و پێك كردوە؟ منداڵكە ووتی قورئان بەخۆی بە تەواوی‌و ڕێكی دابەزیوە هیچ كەم‌و كوڕی تێدا نی یە (أَی الحُكم الَّذی لا یأتیه الباطل من بین یدیه ولا من خلفه...ابن كپیر) حجاج ووتی: (استظهرت القران) مەبەستی ئەوە بوو ئایا قورئانت لەبەر كردوەو بەدیارت خستوە. منداڵكە ووتی: پەنا بەخوا كە قورئان دابنێم لە پشتەوەم. حجاج بە گۆڕینی ئەم ووشانە توڕە بوو ووتی: هاوار بۆ تۆ خوا بتكوژی ئەدی چی بڵێم؟ منداڵكە ووتی هاوار بۆتۆ‌و قەومەكەت بڵێ (أوعیت القرێ‌ن) واتە ئایا قورئانت لەبەر كردوە حجاج ووتی: هەندێ قورئان بخوێنە منداڵەكە دەستی كرد بە خوێندنی ووتی: (بسم الله الرحمن الرحیم/ إذا جا‌ء نَصرُ اللهِ ۆالفَتح ۆرأَیتَ النَّاسَ (یخرجون) فی دینِ اللهِ أفواجَا) حجاج ووتی: هاوار بۆتۆ بڵێ (یدخلون) واتە ئەی پێغەمبەر لە دوای فەتح ی مەككە خەڵكت دەبینی پۆل پۆل دەهاتن بۆ ناو ئیسلام. منداڵەكە ووتی: ڕاست دەكەیت پێشتر دەهاتن بەڵام ئێستا دەرئەچن بە پێچەوانەوە. حجاج ووتی: بۆچی؟ منداڵەكە ووتی: لەبەر كارە خراپەكانت. حجاج ووتی: تۆ دەزانی قسە لەگەڵ كێ دەكەیت؟ ووتی: بەڵێ لەگەڵ شەیتانی تیرەی سەقیف كە حجاجە. 

حجاج ووتی: هاوار بۆتۆ كێ پەروەردەی كردی؟ ووتی: ئەوەی كە منی چاندووە. حجاج ووتی: كێ دایكتە؟ ووتی: ئەوەی كە لێی بویمە دایكمە. حجاج ووتی: لە كوێ لە دایكت بویت؟ ووتی: لە یەكێك لە بیابانەكان. حجاج ووتی: ئایا تۆ شێتی تاكو چارەسەرت بكەم؟ ووتی: ئەگەر شێت بام نەمدەتوانی بێمە لات دابنیشم. حجاج ووتی: سەبارەت بە ئەمیری ئیمانداران چ دەڵێی؟ ووتی: ڕەحمەتی خوا لە أبو الحسن (ئیمامی علی) خوا بیباتە بەهەشتێ. حجاج ووتی مەبەستم ئەو نی یە بەڵكو عبدالملك ی كوڕی مەڕوان. ووتی: لەعنەتی خوا لەسەر ئەو بێ دین‌و فاسقە بێ. حجاج ووتی: چۆن شیاوی ئەو لەعنەتەی دەكەیت؟ ووتی: لەبەر ئەوە هەڵەیەكی ئەوەندە گەورەی كردوە ئاسمان‌و زەوی پڕكردوە. حجاج ووتی: چی یە ئەم هەڵەیە؟ ووتی تۆی لە پاش خۆی داناوە بە گەورەی موسلمانان كە خوێَنیان بە حلال دەڕیژی ماڵیان لێ داگیر دەكەیت. حجاج ووتی: بە پیاوانی دەوری خۆی ئێوە ڕاتان چی یە لەو منداڵە؟ ووتیان: سەری ببڕەو خوێنی بڕێژە. ئەوە لە گوێ ڕایەلی ئەمیر دەرچوەو خۆی لە كۆمەڵ جیا كردۆتەوە. منداڵەكە ووتی: ئەی حجاج دەزانی پیاوانی فرعونی برات زۆر باشتر بوون لە تۆ. بە فرعون یان ووت موسی‌و هارون دەربكە لە ووڵات  بە دووریان بكە. بەڵام پیاوانی تۆ دەڵێن كە من بكوژیت سوێند بەخوا ئەوە دەبێتە بەڵگە لەسەرت لەبەرامبەر خوای گەورە كە هەموو ستەمكاران زەلیل‌و ڕیسوا دەكات. حجاج ووتی: زوبانت پاك بكە قسەی زیادەو ناڕەوا مەكە. چونكە من دەترسم یەكسەر بەپەلە حوكمت بدەم. ئێستاش (4000) چوار هەزار درهەمت دەدەمێ. منداڵكە ووتی: پێویستم پێ نی یە. خوا ڕوت سپی بكات‌و پاژنە پێ یەكانت بەرز بكات. حجاج بە پیاوانی خۆی ووت: تێدەگەن چی ووت‌و مەبەستی چی بوو؟ ووتیان: نەخێر ئەمیری ئیمانداران زاناترە.حجاج ووتی: مەبەستی بە ڕووت سپی بێ واتە چاوت سپی‌و كوێر بێ، پاژنە پێت بەرز بێ واتە لە سێدارە بدرێیت هەلبواسرێی. بە منداڵەكەی ووت: وابوو یان نا؟ منداڵەكە ووتی: هەی خوا بتكوژی چۆن تێگەیشتی. حجاج ویستی بیكوژی بەڵام یەكێ ووتی: بیبەخشە بەمن. حجاج ووتی: ها بابۆ تۆ بێ هەی خوا بێ بەرەكەتی بكات. 

منداڵەكە بە پیاوەكەی ووت: نازانم تۆ‌و حجاج كامتان بێ عەقل ترن. پیاوەكە ووتی: بۆچی من ئەوە ڕزگارت دەكەم لە مردن تۆ ئەوهام پێ دەڵێی؟ منداڵكە ووتی: نۆشی گیانم بێ ئەم شەهیدی یە. ئەگەر پێی بەختەوەر بم. سوێند بە خوا ئەگەر بكوژرێم لە پێناو خوا پێم باشترە لەوەی كە بچمەوە ناو خانەوادەكەم بە دەست بەتاڵی. حجاج فەرمانی كرد كە دیاریەكی بدرێتێ پاشان پێی ووت: ئەوە سەد هەزار درهەممان پێ دایت. لەبەر ئەوەی منداڵی وە زۆریش ژیرو عاقڵی. هەروها پشتت بە خوا قاییمە. بەڵام وریابە ڕێز بگرە لە پیاوانی دەسەڵات دار. بە تایبەتی لەلای ئەوانەی كە لێت نابوورن.... منداڵەكە ووتی: لێ بوردن بە دەست خوایە بەدەست تۆ نیە. سوپاس بۆ خوایە نەك بۆتۆ. یاخوا من‌و تۆ پێكەوە كۆنەبینەوە. ئینجا ویستی دەربچی منداڵەكان بۆی چوون حجاج ووتی: وازی لێ بێنن چونكە هیچ منداڵێكی ئەوها ژیرو ئازام نەبینیوە. ئیجا ڕۆیشت.

دەڵێن: حجاج فەرمانی كرد بە پیاوانی خۆی ژەهری دەرخوارد بدەن ئینجا بەم ژەهرەوە مرد. ( ).

دیارە بەرنامەی هەموو كاربەدەستەكانی ستەمكار وایە كە ئەگەر كەسێكی زاناو ژیرو ڕەوانبێژ ببینن دەبێ زوو لەناوی بەرن نەوەك جێگایان لێ لەق بكات‌و دەسەڵاتەكەیان لێ وەربگرێتەوە. حجاج ووتی: ئەگەر ئەم كوڕە تەمەنی درێژ بێ لە وانەیە ببێت بە پیاوی سەردەمی خۆی. واتە سەیرو سەمەرەی زەمان (أعجوبە عصره) بەوەش كاری سەیرو سەمەرە دەكات‌و گۆڕانكاری لە كۆمەڵگا دروست دەكات.